1
Markus 13:13
Ombeipera
Avehe mave mu tondo mena randje. Nungwari ingwi ngu ma panḓere po nga komaandero ma yamwa.
Compare
Explore Markus 13:13
2
Markus 13:33
Ṱakamiseye, kareye katumba, orondu eṋe kamu nokutjiwa kutja omayuva ngo maye ya ruṋe.
Explore Markus 13:33
3
Markus 13:11
Nu eṋe tji mwa kamburwa namu twarewa kotjombanguriro, amu rikende kutja mamu katja tjike; oruveze tji rweya, hungireye imbi mbi mamu pewa oruveze ndo, orondu inga omambo ngu mamu hungire kaweṋu, nungwari maye rire owOmbepo Ondjapuke.
Explore Markus 13:11
4
Markus 13:31
Eyuru nehi mavi yanda, nungwari inga omambo wandje kamaaye yanda ko.
Explore Markus 13:31
5
Markus 13:32
“Nungwari kape nomundu ngu ma tjiwa eyuva ndo na indji oiri, nangarire ovaengeri meyuru, nangarire ingwi Omuna; posi na Tate porwe ongumatjiwa.
Explore Markus 13:32
6
Markus 13:7
Nu tji mamu zuu ombosiro nozombuze zovita, amu uruma ko. Oviṋa mbi mavi sokutjitwa, nungwari ovyo kavi nakuheya kutja inga omaandero ye ya.
Explore Markus 13:7
7
Markus 13:35-37
Otji mamu sokukara katumba, tjinga amu hi nokutjiwa kutja omuini wondjuwo meya ruṋe, ngahino ongurova poo omokati kouṱuku poo ohunguriva ngunda a i hiya vandara poo omuhuka omunene. Tjaa eye meya tjimanga, e mu vaza amwa rara ozomboṱu. Nu ihi tji me hungire ku eṋe otjinga ame hungire ku avehe kutja: Kareye katumba!”
Explore Markus 13:35-37
8
Markus 13:8
Otjiwaṋa tjimwe matji sekamene otjiwaṋa otjikwao, nouhona umwe mau rwisa ouhona oukwao. Mamu kara omanyinganyingiro wehi momahi pekepeke, nourumbu wina. Oviṋa mbi mavi sana nozongama ozondenga zombandukiro.
Explore Markus 13:8
9
Markus 13:10
Nungwari inga omaandero ngunda aye hiye ya, indji Ombuze Ombwa mai sokuzuvarisiwa koviwaṋa avihe.
Explore Markus 13:10
10
Markus 13:6
Ovengi mave ya mena randje ave tja: ‘Owami ngu mbi ri Kristus!’ Nowo mave pukisa ovandu ovengi.
Explore Markus 13:6
11
Markus 13:9
“Neṋe oveni ritjevereye nawa. Mamu kamburwa, nu mamu twarewa kotjombanguriro; mamu tonenwa mozosinagoge, nu mamu kurama komurungu wovahonapare nozombara motjimbe tjandje okuveserekarera indji Ombuze Ombwa.
Explore Markus 13:9
12
Markus 13:22
Orondu tjinga a mamu penduka ovatwirisiwa voposyo novaprofete voposyo. Owo mave tjiti ovihimise noviraisiro ovinene okupukisa na vyo nangarire imba ovatoororwa va Ndjambi, indu andakuzu mape sorwa.
Explore Markus 13:22
13
Markus 13:24-25
“Omayuva ngo, kombunda yombamisiro, eyuva mari zorere, nomueze kau nakuyera. Ozonyose maze u keyuru, nomasa nge ri mevaverwa ma ye kurakurisiwa.
Explore Markus 13:24-25
Home
Bible
Plans
Videos