Popular Bible Verses from Johanes 15

Share

“Owami omuvite, neṋe oweṋe otutavi. Ingwi ngu ma kambura mu ami, nami e kara mu ye, ma eta ovihape ovingi, orondu nokuhinaami kamu na tji mamu sora okutjita.

Kareye mu ami, nami me kara mu eṋe. Orutavi kamaaru sora okueta ovihape ku rwo oruini; orwo maru eta ovihape indu porwe tji rwa kara komuvite. Momuhingo tjingewo eṋe wina kamaamu eta ovihape tji mu hi nokukara mu ami.

Tji mwa kara mu ami, nomambo wandje aye kara mu eṋe, mamu ningire ngamwa tji mamu vanga, nu mamu pewa.

Kaweṋe mbu mwe ndji toorora; ami ongu mbe mu toorora ne mu ziki kutja mu yende nu mu karuke ovihape ovingi, okutja ovihape mbi karerera. Nu Tate me mu pe ngamwa atjihe tji mamu ningire mena randje.

Orusuvero orunenene omundu ndwe na ro komapanga we eendu tji meve yandjere omuinyo we.

Eye ma teya orutavi ngamwa aruhe ndu ri mu ami nu ndu hi nokueta ovihape, nu ma pumbura orutavi ngamwa aruhe ndu maru eta ovihape, kokutja ru rire orukohoke nu ru etere ko ovihape ovingi.

Etwako randje oro ndi: Suverasaneye otja punga ambe mu suvera.

Ma rire ondjozikiro onene ku Tate indu tji mamu eta ovihape ovingi, nu momuhingo mbwi eṋe mamu rire ovahongewa vandje.

“Owami omuvite watjiri, nu Tate omuungure wotjikunino.

Ingwi ngu hi nokukara mu ami, ma imbirahiwa otja orutavi na kukuta; otutavi otja itwi matu wongwa natu yumbwa momuriro natu ningiririsiwa.

“Ami mbe mu raera omambo nga kokutja ondjoroka yandje i kare mu eṋe, nokutja ondjoroka yeṋu i urisiwe.

Tji mamu ṱakamisa omatwako wandje, mamu kara morusuvero rwandje otja ami punga amba ṱakamisa omatwako wa Tate ne kara morusuvero rwe.

Netwako rimwe porwaro, ndi me mu pe oro ndi: Suverasaneye!

Andakuzu oweṋe ovouye, ouye itjau mu suvera otja ovanatje vawo. Neṋe tjinga amu he ri ovouye mbwi, nungwari ami tjinga mbe mu toorora mu wo, ouye opu wa zokumutonda.