Popular Bible Verses from Rommiako 8

Share

Siro Ukepenuopfü khrieyakezhako puo mharhü la kiekelieko la zowe kehoupuo chü shierei u dze kevi la phre zokecü we si bate.

Kekreilamonyü kesia rei, kerhei rei, teigeidieliemia rei, mia kekhakecüko rei, tsiedoko morei thiesie vorketuoko rei, kekuoko rei, morei kerükrieko rei, kesou rei, morei chükeshüko donu mhapuorei u Niepuu Khrista Jisu nu ketuo Ukepenuopfü u kekhrieu nunu u chükhowalie kenjükecü a si tou bata zo.

Süsü tuoi Ruopfüue u thachüko nu u khruohishüya; kekreilamonyü we chalie morokesuoko rei chalie siya kemo la, derei Ruopfüu thuo themia die nu pulie kelho nunu u la meheimelo baya.

Siro we mha hako dze kedipuo pu ta? Ukepenuopfüe u kitsa liro supuonie u ngumvülie vi ta?

Süla tsie we Khrista Jisu nu ketuoko pejokecü die jüte.

Siro chüüphou kitsa medokecüe kesia zo, derei Ruopfüu kitsa rüli kemedoe kerhei mu noune zo.

Derei mha hako pete nu hie khrieyakezhau la hie kuokeliemia ki rei kuokuo.

A la zowe tsiedo kemezhiekecü hako se thiesie u pengushüketuo zayieu ze kemejükeliepfü mo.

Supuonie Khrista u kekhrie nunu u chükho setalie vituo ga? Kemezhiekecü, morei u nou kehoukeruo kechü, morei u pechüpenyükecü, morei pekriekecü, morei methuokecü, morei kemichie, morei zhiecha me?

Mu Ukepenuopfü, thenou mehoyakezhau, Ruopfüu keleko rei si baya, kekreilamonyü Ruopfüue Ukepenuopfü medo mhiei kemesako la cha bayakezha la.

Kekreilamonyü Ukepenuopfü Ruopfüu bu u shüta ze ketuo khe, süko Ukepenuopfü nuonuota zo.

Kekreilamonyü chüüphou kitsa ketuoko chüüphou rüliko medoya, derei Ruopfüu kitsa ketuoko Ruopfüu rüliko medoya.

Puo thuo puo Nuou zorei khrie mo di u pete la khashü üro, puoe mha kekrei pete puo Nuou sa khashü u tsü motuo me?

we Ukepenuopfü nuonuo chüta ükecü Ruopfüu thuo u ruopfüu ze kezhapuya, siro we puo nuonuota ro, puo kayieko reita zo, Ukepenuopfü kayieko mu Khrista ze karheko zo; we puo ze kemezhielie ro, puo ze zayie chü phretuo.

Haha la u nou se chüüphouu kitsa tuoketae Ukepenuopfü ngumvü zo; süu Ukepenuopfü zho-u khrükhro baya mo; mu ba reilie lho zo

Mhachükeshü pete rei Ukepenuopfüe puo nuonuoko pie pengushüketuo pfhelie kelho chü baketa la

Mu tsie ketso rei chükeshü peteko nuonuovachü chü di keze meheimelo bakecü we si ba zo