Popular Bible Verses from Toukepra 6

Share

Süla Israelko ki pushücie, ‘Ae Jihova zo, mu a Ijiptmia pieko khro nu nieko ze parlietuo, mu uko die kechü nunu nieko shüphralietuo, mu a a bou yhashü mu kepejo kere phi se di nieko kelalietuo.

Mu a nieko pie a themia chülietuo, tsiu a nie Kepenuopfü chütuo; sidi nieko ae Jihova, nieko Kepenuopfü, Ijiptmia thepie kemesiko nunu nieko ze parkeshü silietuo.

Tsiu a kijü pie Abraham, Isak mu Jakob tsütuo üdi rüsekeshüu nu nieko ze voshütuo; nie bu süu pie nie vie chüketuo la khashü nie tsütuo. Ae Jihova we.’ ” Mosae Israelko ki hakemhie pushü, derei uko Mosa pfhe rünyü mvüta, uko nou kemezhiekecü mu miadie chü di rethortacü la.

Sitse Jihovae Mosa ki, “Tsie we n bu a Faro gei kedipuo chüshütuo shi ngushütuo. Puoe puo dzie kuo se di uko bu pratuo, u zo, puo dzie kuo phi di puoe puo kijü nunu uko whuo phrashütuo.”