Popular Bible Verses from Toukepra 10

Share

Sitse Jihovae Mosa ki, “Faro ki volie; ae a zasi hako pie uko pekieshütuo üdi, puo mu puo kituoko nou chü perewatakecü la. Sidi nie bu nie nuonuo tsiu nie tsunuoko kesikengu ki nu ae Ijiptmiako pie kethekrekeshü mu uko donu zasi kikecü kro puo chüshü shikecü pu tuotuo; nie bu ae Jihova zo ücü silieketuo la.”

Süsie Jihovae Mosa ki, “N dzie yhapie teitsa vashücie, Ijipt kijü mho zeibouikecü bu bataketuo la, zeipie bielie kevi chü zokecü puo.” Süla Mosae puo dzie yhapie teitsa vashü, ru Ijipt kijü pete mho zha se zeibouita. Uko huoniehuo ngulie kenjüta, mu zha se we miapuorei puo ba nunu sie rei mota; derei Israelko ba nu we zie ba zo.

Süla Mosae puo theu yhapie Ijipt kijü mho shü, mu Jihovae kijüu mho niathu teikhrie se vor di sünhie zhate mu teizeizha pete rükhrie bata, sidi teiso vor tse niathu teikhrieue kuprie hepfü vorshü. Tsiu u kupriekoe Ijipt kijü pete mho vor di Ijipt rüna pete nu bata, kuprieko krakrapie thiedzü mu thiesie rei süde ngulie kelho parta.