Popular Bible Verses from Pethakeshüu 7

Share

N nou meyie mhaita hie, kekreilamonyü nouyie-e mhalekemomia merü nu baya.

Mhanyikelie nhie u neilie, tsiu kemezhiekelie nhie mha leliecie, Kepenuopfüe sünie chü phreshü zo, themia bu puo sie mhapuorei ngulie lho ükecü la.

Mha therieu ki puo thelau vikuo, tsiu unou shügeshühiekecüe unou kemiakokecü ki vikuo.

Ketho zo, kijü nu miapuorei miatho zo vo phouma moto di mha kevi chükecü ba mo zo.

Kekreilamonyü mhasi rüguokelie-e raka rüguokelie mhie zo, tsiu kesikele kevi sü mhasi-e kerhei khapie puo gei kebamia tsüyacüu zo.

Theza kevi-e tier puoma kere ki vikuo; mu kesia nhie kepenuo nhie ki vikuo.

Mhalekemomia tsali rünyükecüu ki, mhakesimia u kerhiekeshü pfhe kerünyü we vikuo.

Thehethehie ki nu kevo ki thekrü chü keba ki nu kevo vikuo, kekreilamonyü süusü themia peteko la thelau zo, tsiu kerheimia süu pie u melou ki shüse tuotatuo.

Mhakesimia noue thekrü kechü ki nu baya, derei mhalekemomia noue keyukenyü chü kebamia ki nu baya.