Popular Bible Verses from Nugana 27

Share

Ta garewa ‘ina gagunega Eaubada ‘i da ‘ebwaemu, Ta bare‘u ‘ana iapega, Ta witi ta oine iauna: Tomota emuia si da guinua, Ta ‘asa ‘emuia si da bwagobwago: Tasimuao ‘edia ‘u da e ‘inapwana, Ta sinaio natunao me‘olotodi ‘emuia si da bwagobwago: Iauiauna ‘i eliemu si da eliena, Ta iauiauna ‘i onaobobomeio si da onaobobomena.

Ta ‘i ona, nigea nai ‘ana esana ‘ai‘aila Iakobo? tuta ‘e rua getedi i kaboegu: ‘igu tomatua i ‘ewena; ta, wa ‘ita, gete ‘enega ‘agu onaoboboma ni‘atu i ‘ewena. Ta ‘i gwae, Nigea nai ‘e bweu onaoboboma ‘u egagare manugu?

Ta tamana Isaako ‘i onalimana ta ‘ena ‘i gwae, U ‘ita, bare‘u ‘ina iapa ‘enega ‘imu anua ‘i da miami, Ta garewa etanega ‘ina gaguna ‘enega; Ta ‘imu sisi‐saiega iawasio ‘i da bobo‘ana, ta tasio ‘ena ‘u da guinua; Ta gete ‘i da apwesa ‘ena ‘u da ‘upwa iaulei, Ga ‘ina ‘ebe‘a‘ara ‘u da ‘ewaiaulei ‘otomuiega.

Ta Esau tamana ena ‘i ona, Onaoboboma ‘e bweuna tuga ‘emuia, tamagu? Tamagu ie, ‘u da onaobobomegu, ‘Abo‘agu wate. Ta Esau ‘i bwau, ta ‘i dedoi.