Popular Bible Verses from Markos 16

Share

Ta phenda lenge: Llan ande sa e phuvia ta phenen saurrenge e lachi viasta.

Ta gola llene kai ka pachan ka cheren bare ezgode ande mo anav, ka traden e llavolonen, ka den orba ande neve chibia, ka istaren ande pe va e sapen, ta te piena vareso kai sai mundarel len, ni ka cherel lenge niso, ka thoven pe va pe nasuale ta e nasuale ka saston.

Gua kai ka pachal ta ka avel kristime ka avel braduime, a gua kai ni ka pachal, ni ka avel braduime.

Von llele te phenen e lachi viasta pe suako rig, ta o Gazda pomozila len e bare ezgodenchar Devlikane kai cherena.

a gua lleno phenda lenge: Na daran. Tumen roden e Jesuse katar o Nazaret, gole kai krustosarde le. Vou ustilo katar o meripe ta inai talo kate. Dikhen o than kai thode le.

A kana dikhle, thode sama kai gua barr kai saia but baro, ni saia pe po than. Ta kana die ando limori dikhle, kai pe rig e chachi besela iek lleno terno kai saia furiado ande patave parrne ta lunge. Ta e diskinie daraile