Popular Bible Verses from Mattayo 26

Share

Cheweni na ombeni, nesa musiingie ghati ya kugheshwa; ngoro niyo ianguhe, kake muri mnana.

Awawurra, Ngoro yangu ina wukiwa wingi mtano na kufwa; ikaeni kunu murechewa nami.

Na ekitonga kadongo akagwa wushoni hakwe ekiomba na ekiteta, Apa wangu, kwakicha yaidimika, ndemwa ii inivetie; kake si sandu nikundie mi, kake sandu we.

Amu ii ni sakame yangu ya luaghanyo, iitike hena weingi hena luwushijio lwa ng’oki.

Na wekioka wekila Yesu ekiuha ibumunda na ekitasia, akalibaa, akawainga waanalosha, akaghamba, Uheni, leni; uu ni muri wangu.

Akauha ndemwa, na eking’ola haika akawainga, ekiteta, Nyweni wose nayo

Naye awazia waanalosha, awawona weshinjia, na amburra Petro, Tomuidima kuchewa nami mtano saa mwe?

Namburra, sinywa too ingeriaha ya ndunda ii ya mzabibu, mtano musi ula nineikaninywe na unywi sha ghati ya ufumwa wa Apa wangu.

Petro akakumbuka kiteto ekitetie Yesu, ti Kuwoka isimeiya nguruwi unenikana kandu katatu: akafuma na shighati akaiya na wukiwa.

Wukeni, tutonge; yoeni, ula ening’ola ni afuhi.

Na Yesu amburra, Hundua muhandi wako na mbone; amu wose weuha muhandi weneteka hena muhandi.