Popular Bible Verses from Mattayo 24

Share

Na amu ya owiwi kuneta, lukundo lwa weingi luneduhuka. Kake ula eikaa mtano kuidiwika, niye enekijwa.

Na sumu yedi ii ya ufumwa inetindwa ghati ya masanga mose, kuoka luwondjomburi hena mbare jose; ikuade luneoka luidiwiko.

Munesikia ngondo na mburi ja ngondo, yoeni musirishwa wukiwa; amu ivi tevina huwo kuoka; kake luidiwiko tolumefika.

Amu mbare inewuka wanga ya mbare, na ufumwa wanga ya ufumwa: na jineoka nzaa na matetemeko handu. Ivi vyose nivyo kuwoka kwa wukiwa.

Wanga na si jinevetia, kake viteto vyangu tevivetiavyo.

Amu weingi weneza hena izina langu, wekiteta, Mi nimi Masihi, na wenekenga weingi.

Magheri mala wenemng’ola hena wukiwa, na wenemkoma, na muneshishirwa ni mbare jose hena lwa izina langu. Magheri mala weingi weneghushwa, weneng’olana, wenesuana. Na waroti weingi wa maongo wenewuka, na wenekenga weingi.

Yesu ekitalwa akawawurra, Yoeni, mundu esimukenge.

Amu ii na unywi mukuarehie, amu magheri musimagheshijia Mwana wa mundu eza.

Amu ii cheweni, amu tomutisiwe musi ani mzuri wenyu eza.

Kake mburi ya musi ula na magheri mala tehena eitisiwe, nete malaika wa wanga, nete Mwana, nde Apa mwenye.

Amu wamasihi wa maongo na waroti wa maongo wenewuka, na weneng’ola maluwano mabaha na maitalo, mtano kukenga, ikiidimika, na wala wasawurwa.

Sandu misi ya Nuhu, huwo ineoka mizie ya mwana wa mundu. Amu sandu weokie ghati ya misi ila kuwoka kwa mlombia, wekila na wekinywa, wekiaika na wekiowoyia, mtano musi ekinaingie Nuhu na safina, Wasitisiwe mtano mlombia uzie ukawawushija wose; na huwo ineoka mizie ya Mwana wa mundu.