Popular Bible Verses from Matthew 7

Share

Apevelavela leila, ero aireaki aiarakilai, haropaki, aireaki koarakilai, okiape va kokoeaila, okiape e v'ila hapakilai.

Apevelavela leivahaeaki la haela oaria eharu aeakilai: haropaki la haela oaria, eharu koarakilai, okiape kokoeaki la haela oaria okiape ere v'ila le hapakilai.

Laelave — arave ma oharo iapai leiki la haela are uvi have akea ve kupe la ikiore haela hovea.

Laelave, e va ikivere haela ero leivahaeaki la mai, e kara erero leivahaeaki. Pupu peroveta ila ve oharo ve iele ma.

Ehovea ovokake ve la okiape koko hekai, okiharo kara kere hekai, la okiharo haela uku hiki koarailula.

Okiape koko hekai ve arahavaki, ehovea apihaeaki ukai ve la okiape huraha iele, okiharo kara hurahapo iele, haela perehekai oaria leia ve arahavalula.

E va haela heaha akoremari meru veveke aiaraki ore la leivahaeakilava, eve kaia ve Oa iele havahu eharu mekaka arero apevelavela leivahaeaki la haela aiara va ka ha?

E haela ka heheavavahaelue, haela ero heheavavahaeaki ave. E heheavaki la mai ero aire heheavakilai, e kavale leiki la mai hovea ero aireaki kavale leikilai.

Arave ma oharo iapai leiki aue la haela, are uvi miri horo ve kupe la ikihaveva haela hovea.

A kora harava apoheari ve ovohae ureve eavaki, ehovealeve ave ovohae ureve la kora hakaea a va au eavaila ha? A apoheari leari maeaki, Aupava, ara ave ovohae ureve la kora harava la hauavi, la hoa, kahara ave ovohae ureve la kora hakaea le aeave ha?

E va opore peroveta haela kiva leiki, ere ero kai ekeki mamoe iilu pura ila, aka ereve ureve viva aeha iele hovea. E ereve hae ve erero ore leivahaeakilai. Haela vine hae mamareke kora ve ikaealula ha? Aeka suke hae hohe mamareke ve ha?

Kaire, kora veveke areve hae kara veveke: kora heaha areve hae kara heaha.

Hae heaha kora veveke ve horeravahaea va ka. Hae veveke kora heaha ve kara horeravahaea va ka.

Hae mekaka horeavaki aue la kora oaria ere hahaeapui a ve huavakilai.