Popular Bible Verses from John 15

Share

Ara havahu vine: e va mamaeako. Ara i hareho aeaki la haela, ara areve ureve kara aeakilai: are v'ila iele oaria horeavakilai: ehovea e lahua la apeakilava, eve horova iele karia.

E va arave ureve apeaki. Ara kara eve ureve aeakilai. Maeako vine i hareho aeaki aue laleikilava, hae iele horeava va ka, e kara laria. E va ara i hareho apeaki aue la leikilava, e v'ila iele leivahaea va ka.

E va ara i hareho la apeakilava, arave oharo kara eve ureve la apeakilava, e va learia eharu velavela leikilai, la eharu e v'ila le leikilai.

E va araro au itavaila, aka ara ero itavavahaeape, kai ero maeaeape e v'ai hae iele horeavakive, aeva eve la hae iele aheke apeakive. Laelave e va Oa arave rare v'ila lela eharu velavela leivahaeakilai, la eharu are ero aiarakilai.

Ikiheroe eapapo aeva karia, maria hiki, haela are havahu ve ovokake areve kake v'ila avarakilai.

Arave hae horeavaki aue mamaeako oaria are koerapakilai. Hae ila la mamaeako are au koelaeavahaeakilai, laelave ere hae oaria horeavakilai.

Arave ape karava oharo ma — ara ero ikiheheroe leivahaeape la maea, e va elarelare ikiheheroe leivahaeaki.

Arave Oa ve morapaeaki eharu iele mae — e va iele oaria horeavakive, laria e va arave kilea haela iele.

Ara vine iele havahu, arave Oa vine kiva haela.

Haela ara i hareho aeaki aue la leikilava, ere arero maeako hovea aukapakilai, harou ila. La mamaeako ere korukaiavahaeai a aroukilai.

Ara ero ma oharo lamaeaila ehovea arave ikiveveke e v'ila hareho aeakilai, ikai e kara ikiveveke eapapo leivahaeakilai.

E va arave oharo kiva auhohi laleikilava, hoveahovea e va arave ikiheroe v'ila apeakilai: ara kara arave Oa ve oharo iapai kiva leivahaeape, laelave ara areve ikiheroe v'ila aeavila.

Ma oharo ara ero ape karava maeaeaive, E va elarelare ikiheheroe leivahaeakilai.

E va meahaiapo v'ila la lailava, meahaiapo elare haela ikivere le leivahaeakilai. Aka ehovea e va meahaiapo ve haela, aeva ara ero meahaiapo ve itavavahaeape, laelave meahaiapo ero ikiheaha leivahaevila.