Popular Bible Verses from Yohana 16

Share

Ndívalongiye unyeenye amadzwi ago ukuta, muvedzage nu lutengamaso mu numbula dzeenyo, pakuva muli mugati umwangu. Mwe naanyi umu mwivedza ni mumuko, neke kangi mwikangadzage inumbula, pakuva uneene ndídelwidze ingufu ya wuhosi mwe naanyi.”

Neke kangi uMubepo uMwimike ye akuvavilatulila indakyene, pe iikwadza, ahadza akuvavilatulila indakyene yonda. Asilongaga mu wutawulilwe waakwe yumwene, nda haamu, iilongaga dze ápuliike nu kuvalongela idzilaahumila.

Ukufikila lino, musinaa munyilika kikivedzaga kwa Nguluvi mu litaawa lyangu. Mumunyilikage uNguluvi, na yuunye muhadza mwikwanukila. Wugendela wa ulo, muhadza mwigina ukuvedza nu lukeelo hiilo mu numbula dzeenyo.

“Ndakyene ndikuvalongela ndiitigila, uneene ndiihelela kwa Daada, ulo lwe luwumbulilo ukwenyo. Ngana sindiihelela, apo uMukengedzi asaadza ukwenyo. Neke kangi, ngana ndiihelela, ndihadza ndikumutuma ukwenyo. Pe iikwadza uMukengedzi uyo, ahadza akuvawoneesaga avaanu va mwe naanyi umu inongwa yaawo ulwa ndzanangifu, ulwa wugolofu nu lwa luhigo.

Na yuunye ndeeni, lino gwe musika gwenyo gwa wuhuguvafu. Neke kangi ndihadza ndikuvawona kangi, apo muhadza mwivedza nu lukeelo mu numbula dzeenyo. Sikwali umuunu ye alaluhedza ulukeelo ulo uluhuma mu numbula dzeenyo. Kangi ikigono kila pe kífikile, musilaambuudza kikivedzaga. Ndakyene ndikuvalongela ndiitigila, kikivedzaga kye mukumunyilika uDaada mu litaawa lyangu, ahadza akuvapeela.

Ndakyene ndikuvalongela ndiitigila, unyeenye muhadza mwivemba nu kuhugumilila, neke avaanu va mwe naanyi umu vahadza viikeela. Muhadza mwihuguvala, neke kangi uwuhuguvafu weenyo wuhadza wiihambuka lukeelo.