Popular Bible Verses from Munra ta Rom 5

Share

Nava God we gaganag lue ape mon o tapeva mun nina, ape nina qale toga ganganor, wa i Christ me mate ape nina.

Wa o maros nerei gate ge si nina a apemaragai apena. O manigiu me liŋ siwo o tapeva mon God alo toqanina mun o Vui we Roŋo me vasoal ma ti mun nina.

Wa gate iloke vires, nava nina a sou malakalaka kel nina mulaŋ alo ganawono ŋaŋ. Ape nina we gilala si o ganawono te gagapalag taurmate o roŋomalumuaga; wa o roŋomalumuaga we ge si a ilo vaglala ape liŋanina, wa o gege ilo tamaine we gagapalag taurmate o maros nerei.

Wa me ge taniniga nina tamaine, wa o qetegiu o nomtup, wa nina lav monina o tamata amen God apena mun Lord inina i Jesus Christ. Wa munia gina nina me lav veta o tano petpeteŋ mun o nomtup si a niŋa lai ma ape sogov iloke nina me tira veta alolona; wa nina a sou malakalaka kel nina ape we maros nerei naleŋasin God.

Ape nina qale mageregere ti, wa alo tur qoŋina i Christ me mate ape ra ganganor.

Wa raka sage nan, me ge taniniga veta nina ilokenake mun nanarana, wa te vaesu nina nan o lologagara o manigiu ineia.

Ape tama mun non o tanun tuwale o siriga o tanun sul me qeteg ganganor apena, tamaine gina mun non i tuwale mulaŋ o meremaŋas o tanun sul te qeteg taniniga apena.

Wa gate ilone vires, pa nina we sou malakalaka kel nina mulaŋ alo God, mun Lord inina i Jesus Christ, nina me lav veta ilokenake o pulpul kel iloke o manigiu ineia.