Popular Bible Verses from Munra ta Rom 12

Share

Wa turpea ris tataga o makali marama iloke, nava tur ris sea mun we ge garaqa o nonomia; si kamiu a ilo wurvag o sava gene God we maros, we wia wa o tangemarmaros, wa we taurmate ran.

Wa nau we pes kamiu, ratatasik, mun o sale lolomagarosa mon God, si kamiu a ukeg naturiamiu rowo mun o gene oloolo we esu, we roŋo, o tangemarmaros mun God; momiu o gagapalag we roŋo we nom mantag nane.

Wa tur masekeseke alo maros nerei; tur roŋo malumuaga alo te qisaŋwono; tur goara tasovule alo tataro.

Nipea o tatas a lalakete naniko, nava ka lalakete moma mun o wia nan o tatas.

tur var tapetape val kamiu alo varkokor gese o retatasiu; tur nom mava sal moa val kamiu.

Nipea sokoi goro o tapeva; tur soŋus ran o gene we malkeke, tur kata ape gene we wia

Si ta lai ran, tama si ta tira apen kamiu, tur togatoga tamata amaira tanun nol.

Turpea raparapa apen kamiu kel, ra meratape, panava tur ukeg o tanoi mun o lologagara; ape me rave veta si, Namok o raparapa, inau te wono kel mok, amon i Lord we vava.

Alo tinegaro nipea we maraŋ; we lolotutun alo atai; we rowrowovag mun i Lord gegese.

Ape na we vet munsei munsei tamen kamiu, mun o sogov me vasoal ti munau, sinpea nom raka kelua sal o nonomia we sar ape neia; nava sin nom mantag si a nom vasartag kelua, tama God me tirag veta munsei munsei non o takele nomtup.

Turpea wono kel o malagene munsei mun o malagene. Tur nom vasarig momiu ape matai gene ŋaŋ alo nagora tanun nol.

Tur varnonom we sasarita ape val kamiu gese; nipea nomrekereke ilo, nava a ge pepewu kel kamiu munrasei qe sur siwo. Turpea qeteg nom matanur kel kamiu.

Panava si nom o tavalalea qe maliŋsala, ka vaŋania; si qe marou, la mana o pei; ape si ko qe ge tamaine ko te gora vavtig o matawereav vawo qatuna apena.

Tur wievavae rasei qe ge visarag kamiu; wievavae wa turpea vivnag. Amomiu ran si a masekeseke tuwale amairasei we masekeseke, a taŋtaŋ amairasei we taŋtaŋ.

Tur tiratirag munra roŋo tama neira we maros ran; tur tataga taso o liŋe lav vasgot salavano.

Ape tama alo turiai tuwale o soasoai we qoqo amenina, nava mun o val soasoai gate gagapalag tuwale; tamaine gina inina we qoqo o turiai tuwale alo i Christ, wa val nina soesoenina gese.