Popular Bible Verses from Filipenses 3

Share

Ti jech jchi'il jbatique, mu yu'unuc ta xcal ti laj xa jta scotole. Yu'un ti c'usi ta jpase, ta jch'ay ta co'nton ti c'usi com ta patile. Yu'un ta xcac'be yipal ta stael batel ti c'usi mu'yuc to jtaoje. Yu'un ta jc'an ta xic'ot ti bu oy ti spajebe yo' jech ta xquich' ti jmoton ti jech ic'bilun yu'un Dios ti oy ta vinajele, ta sventa ti oyun ta stojol ti Cristo Jesuse.

Ti c'usi ta jc'ane, ac'o cojtiquin ti Cristoe, ca'iuc ta jtojol smuc'ul stsatsal ti cha'cuxie, ti co'oluc quich' jvocol jech c'u cha'al c'alal cham ti stuque, yo' jech ta jpat co'nton ti ta xicha'cuxi eque.

Ti jech ech'em xloc' venta laj ca'i ta yojtiquinel ti Cajval Cristo Jesuse, ta jech yepal, laj, tub sc'oplal ta co'nton ta sventa Cristo ti c'usi tsots sc'oplal laj ca'i sc'an pasel to oxe. Yu'un laj xa jbis ta c'a'ep scotol yo' jech oyun ta stojol ti Cristoe

Scotol ti va'i s'elan tsots sc'oplal laj ca'i ti caloje, avi tana li' une, mu xa tsotsuc sc'oplal ta xca'i, yu'un jpatoj xa co'nton ta stojol ti Cristoe.