Popular Bible Verses from Filipenses 2

Share

Biq'uit xavac' abaic, mu ta toyobbailuc, mu ta soquemaluc ajolic ti c'usi sc'an pasele. Nopic ta jujun tal ti x'ech' to yutsil c'usi ta spas ti yane, ti ja' mu sta ti stuque. Ja'uc me ac'o spas ti c'usi ta xtun yu'un ti yane. Mu me ja'uc no'ox ta sa' ti c'usi ta xtun yu'un ti stuque.

Jechuc xanopic jech c'u cha'al laj snop ti Cristoe

yu'un xi s'elane: Ac'o mi ja' stalel Dios ono'ox ti stuque, mu'yuc snopoj ti sujoj sba yo' xco'olaj xchi'uc Dios ono'ox ti stuque. Yu'un stuc laj yicta comel ti c'u s'elan bu to ox oye, c'ot jech c'u cha'al junuc jtunel, yu'un laj yich' sbec'tal stacopal, voc' ta banomil. C'alal jech laj yich' sbec'tal stacopale, laj snijan xchiman sba, laj yac' o sjol sbaquil xchi'uc, ac'o mi toj q'uexlal sba ti jech c'ot ta pasel laj cham ta curuse.

Yu'un ti Diose, ja' ta xac'boxuc yutsilal slequil avo'ntonic yo' jech ta xapasic ti c'usi ta sc'ane, yu'un ja' ta scoltaoxuc ta spasel ti c'usi lec ta xa'ie.

Jech o xal aq'ue ta ich'el ta muc' yu'un Dios, ti mu'yuc buch'u yan x'ech' to ich'bil ta muc' jech c'u cha'al ti stuque. C'alal ta xa'iic “Jesús”, xi ti sc'oplale, scotol ti buch'utic oy ta vinajele, ti oy ta banomile, ti oy ta c'atimbaque, ta squejan sbaic ta stojol. Scotol jamal ta xalic ti ja' Ajvalil ti Jesucristoe, yo' jech ich'bil ta muc' ta xc'ot ti Dios Totile.

Mu ta ijeteluc, mu ta vulvul c'opuc ti c'usi ta xapasique, yo' jech mu xatabat amulic achopolalic, yo' jech bats'i xnich'nabucoxuc Dios ta stojol ti jnaclejetic ta banomil ti mu'yuc xch'ulel xa'i sbaique. Co'oluc a'elanic ta stojol jech c'u cha'al junuc c'anal ti xojobin ta ic'al osile

Jech o xal un, ti co'ol jchi'il jbatique, c'alal oyun to ox ta atojolique, laj ach'unbeicun ti c'u s'elan laj jchanubtasoxuque. Ti jech nom oyun ta atojolic avi tana li'e, x'ech' to ch'unbeicun. Xi'anic, bic'tajes abaic, tijo avo'ntonic yu'un ti acoltaelique.