Popular Bible Verses from Isaías 65

Share

C'alal mu to ta xc'opoj xti'inique, laj xa jtac'beic ti sc'opique. C'alal mu to ta stsuts ti sc'opojel sti'inelique, laj xa jchiquintabeic ti sc'opique.

“A'yio ava'iic, ta xlic jmeltsan ta ach' ti vinajele, ta ach' ta xlic jmetsan ti banomile. Ti c'usitic laj c'otuc ta pasel ta vo'nee, ch'aybil xa c'ot ta o'ntonal, mi junuc xa oy buch'u ta svules ta sjol taje.

Mu jeche'uc no'ox ta x'ech' svocol ta abtel. Mi ja'uc ta xcham xnich'onic c'alal mu to ta xc'ot ti yoraile, yu'un ja' snitilultac ti buch'utic staojic ti sva'anoj sba ti Dios ta stojolique.

Ma'uc xa xc'ot ta pasel ti jun xa yac'ojbe yipal ta smeltsanele, ti yan xa ti buch'u ta xnaquie. Ma'uc xa xc'ot ta pasel ti yac'ojbe xa yipal ta sts'un ti june, ti yan xa ti buch'u ta stun ta slajese. Ti jlumale, jal ta j'ech'el ti xch'iel sc'opojelique, yu'un co'ol s'elan jpets te'. Ti buch'utic t'ujbilic cu'une, ta stunesic ta slajesel ti slubel xchamel yoc sc'obique.

Ti bu taje, mi ja'uc xa ta xcham ti ololetic ti jun chib no'ox c'ac'al yich'oje, mi ja'uc ti moletic mu xilbeic stsutseb ti yorailique. Squeremal to ta xcham ti buch'u yich'oj vo'vinic (100) jabile. Jti'o'nton jelav ta stojol mi mu to ta sta ti vo'vinic (100) jabile.

Ti oq'uile xchi'uc ti ch'in chije, jmoj xvolet ta xve'ic. Ti leone ta slo' yaxal jech c'u cha'al junuc vacax. Ti chone naca banomil ta xipan. Ta sjunul ti ch'ul vits cu'une, mi junuc ti oy c'usi chopol ta spase”, xi laj yal stuc Dios ma' taj une.

Ximuyubaj no'ox liquel ec yu'un ti Jerusalene, ti xlaet no'ox co'nton ta xca'i yu'un ti jlumale. Mi ja'uc xa oy buch'u ta x'oc', ti x'ajet yu'un ti ilbajinele.