Popular Bible Verses from Juan 21

Share

Dai ka ugakai go mamaatïrdamigadï sai go Suxi itïtïdai go Ximuñi Piduru, —Aapi Ximuñi, aapi ix makïdï ïr Juan maradï ¿Bamioma pïx gin oigïdai ix bhai go gaa?— itïtïdai. Daidi go Piduru itïtïdai, —Ïjï, gin Tïanïdamiga. Kïïga maatï aapi ix aanï gï oigïdai— itïtïdai. Daidi go Suxi itïtïdai aidï, —Kïïga saadaka gin sosoiga miruxi tudu— itïtïdai. Dai bhodïrï Suxi ïpïpï itïtïdai, —Aapi Ximuñi, ix makïdï ïr Juan maradï ¿Gin oigïdai pïxi?— itïtïdai. Daidi go Piduru itïtïdai, —Ïjï gin Tïanïdamiga. Kïïga maatï aapi in xi aanï gï oigïdai— itïtïdai. Daidi go Suxi itïtïdai, —Nukadañi gin sosoiga kañiru— itïtïdai. Dai bhodïrï ïpamu potïtïdai ïgai, —Aapi Ximuñi ix makïdï ïr Juan maradï ¿Gin oigïdai pïxi?— itïtïdai. Baikojo podukai tïkakai go Suxi go Piduru dai kaxkïdï soi gï ïrhi go Piduru daidi itïtïdai ïgai go Suxi, —Aapi gin Tïanïdamiga kïï maatï bïïxi aïkatai. Dai kïïga maatï aapi ix aanï gï oigïdai— itïtïdai. Daidi go Suxi itïtïdai, —Kïïga saadaka gin sosoiga kañiru— itïtïdai.

—Kïïga gï tïgito kaïka idi ñoki. Daiñi, ïkioma aidïxi bamioma ïr gïrhikatadai aapi ïïgi gï aadaiña gï yukuxi dai aimïraiña ïïgi pïx xako bhai ïrhidiña. Dïï gia xïïxkadï ka kïrhimumu aapi sïïrhiñdamu aapi gï ïïka bai jaa gï burhimu dai gï baidakamu xako mai imia ïrhidi aapi— itïtïdai.

Daidi go Suxi itïtïdai, —Daitudabïrai gïn rediga sïïrhixapadïrï go barko ix podukai gia bubaidamu aapimï— itïtïdai Suxi. Daidi podui go barkoïrï iimïikïdï. Daitu ïgai gïn rediga dai xibi gia mui bui ïgai batopa dai ka maiti ixtui ix dukatai busaidagi mos ïï muidukatai.

Dai mai kia gï maaxitu go Suxi bai go Ximuñi Piduru potïtïdai go gaa, —Aanï mïï bubaida iñagai batopa— itïtïdai. Dai go gaa itïtïdai, —Ïjï, gï oidamu aatïmï— itïtïdai. Dai iji ïgai dai tïtïsai ïmo barkoïrï dïï tomaxi ïmo tukagi gïn aaga ïgai tomarhi ïmo batopa mai busaitu.