Popular Bible Verses from Hechos 4

Share

Daiñi, Diuxi otoi go Suxi Kristo sai ïgai ïïgi biakana gubukadagai ix kïïgakïrï bubiadagi odami tomax xako oidakami. Mai tipu ïmai bïïxi oidigi daama —itïtïdai Piduru.

Daidi mos nato daanïkai ïgai Diuxi sai gigiburhi baaki xako darakatadai ïgai dai Diuxi Ibhïadï tïanïitadai bïïxkatai ïgai dai podukai mai duadimudagaikïdï aagaiña ïgai Diuxi ñokidï.

Dai aapi Diuxi kïïga nïidi ix gïr bui bhakokorïi go dudunukami. Aatïmï ïr gï pipioñi kaxkïdï gïr maakañi gubukadagai xi mai duadimudagaikïdï aatagada gï ñoki— ikaiti go buaboitudadami gadaanïitai Diuxi.

Ïïki ka ojixikatadai sai dibiagaitadai Diuxi Otosadï Gïr Bhaitï Kïakamiga dai sai odami mai ïïgida kaïka agaitadai. Aapimï ïr ïpïan dukami bakitadami ix makïdï maigobai daitu ïmo odai mai ojoida nïiditai dai gokiïrï mai ïgai sai go odai bamioma gï agaitadai go baaki bïïtarï.

Daidi go dudunukami gïn tïgito nïiditadai ix mai duadimukai ñokaitadai go Piduru ïmadï Juan tomaxi mai tïbïpi daraiba ïgai ojiïrï dai maiti ïr bhaitï gukakamikana ïgai. Daidi go dudunukami mai tïï ix tumaxi gïn tïtïgitoagi daidi ikaiti, —Idi kïkïïrhi gia ïmadï ajiopaiña Suxi— ikaiti ïgai.

Dai ka muidukana buaboitudadami dai bïïxkatai biakatadai ïmo tïgibudagai aidï. —Ix makïdï bia aatïmï gïr buxtuidaga bïïxkatai gïr aaduñi ïr tuidadï gobai— gïn ïrhidiña ïgai.