Popular Bible Verses from Mâk 5

Share

Yesù ə dzày yə̀ awò wìyəŋi wə nə̀, “A wa nam, ibɛmə yiə̀ yìy mə zəŋi nə̀ wò taw. Zu ŋwò anə ibvay, fəm kiə̀ kìy mə mày.”

Wìyəŋi ùlìy wìy ə də̀ anə ŋwàâ kə̀ nə̀ ù kə tsə̀ŋə̀ fyiə tsə̀ kə ŋwò anə təŋə̀mə̀ ìvəm nə̀ ghe tiy ìbè. A də nə̀ ù mə bwìy tsə ndaw tə məntyiə tiy anə ndə̀m, sə̀àŋì tsə ukhiy we udzə̀m, u kyilə way ibvay yiy, idzâŋ iwe yiy fə̀dlə̀ dùw fyiə yə̀.

Anə yiə yə ù dyaŋi mwâm tsə nəniy Yesù anə təndzwu, ifyi yə u kə fyiə nəniy, i dyaŋi mày yə̀. U mwàm kòʼ tsə uwe u we kòʼ tsə nə̀ ghe mə taw anə utswə̀d uwe.

Yesù ə kwi tsə wa nə anə ukwe, dzày tsə a we nə, “Tàlìtà kûm,” i myiŋə̀ nəniy nə̀, “A yəŋi fə, mə dzîy nə̀ wò ŋwô kə idoŋ.”

Abù Yesù namə dzəŋə̀ nəniy, aghee àliy yiy ŋwò bə̀ a ndàw wù kə̀tuw wə ghu tyoŋə nə̀ à də̀ Dzalùs, ghu dzày yə̀ â we nə̀ “Wa niə̀ ùyəŋi wə̀, mə pfə! Wò kàmə fyimi àtyi dè iyîkìə̀” Yesù kə kə̀ na dzə̂ ìsə yiy anə ayiə yə ghu dzîy nəniy. Yesù ə kwuni dzày yə̀ awò Dzalùs a we nə̀, “Kə̀ tsəŋ dzə̀, kəli tsə ibɛmə yiy!”

Ù kə yî dzày aŋwòə Yesù kə dzày tsə nə̀, “Nsìy mə̀bɛbə̀ mə̀, ŋwòə fyi azòŋə̀ we.” Yesù ə bəb yə̀ a we nə, “Izəd yə̂ yìy tyoŋə nə̀ à də̌ ndiə ə?” U bə̀lì kə nə̀ “Izəd yam yiy tyoŋə nə̀ à də̌ ndə̀m, aŋwòə ghè dûw ŋwò.”