Popular Bible Verses from Lukâs 6

Share

Wò kwu ani nyə̀ ufyiə â àghù yə̀ ghu laʼà nəniy tə̀ Zə̀kìy ki nyiə̀ sòʼò wò nə̀ ùfyiə wə wò làʼà nəniy anə ndə̀m. Abu Zə̀kìy dziy nyiə̀ wò, ù kì kwe tsə anə fòʼ ì dzòŋə̀ yìy, ù zəki lwe tsə, ù sə̀kì nyi yə̀, u ki fwulə fyiə dyaŋə yə a bee. Zə̀kìy kî nyə̀ wò nə̀ ùfyiə wiy anə ayiə yə wò nyə̀ soʼò nəniy ate â àghè liy yiy.

Aghê àdzoŋə̀ yìy zəŋə àyiə àdzoŋə̀ yìy aŋwòə ghu kwu fôŋ tə̀ dzoŋə̀ tìy. Aghê bɛbə kwuni zəŋə àyiə àbɛbə yiy bòʼ ìbɛb yə i də nəniy anə fòŋ tə ghu. Ayiə yiə̀ à dziy yiy dê bə̀ fyiə kə kə də nəniy anə fôŋ yiə̀.

Ghà kwuni kwu ani liə tsə aghû yə̀ ghu dzwəə nə̀ ghà, zəŋə yə̀ àyiə àdzoŋə̀ yìy awò ghu, fwàʼà nyə̀ ghu nə̀ ùfyiə wiy, nia way isə yiy nə̀ ghu tsə dzwoŋi. Abu ghà zəŋi nəniy ghii, ghà kî kyilə ŋwò namə kə̀ soŋə̀ kìy. Ghà ki də awa Zə̀ k-a-vələ. Aŋwòə ù zəŋə àyiə àdzoŋə̀ awò àghù yə̀ ghu də nyìə̀ way we nə̀ zòŋə̀ kìy, nə̀ aghè bɛbə soʼo.

Ghà si kwoʼo yəə nə̀ mulikiy azoŋə̀ àghè liy yiy anə yiə yə Təli ghii kwoʼ soʼò nə̀ mulikiy azoŋə̀ ghà.”

Kə̀ saʼ dzə̀ aghê liy, tə̀ Zə̀kìy ki də kə̀ saʼ soʼò wô. Kə̀ saʼ wiy dzə̀ə wù lìy tə̀ Zə̀kìy ki də kə̀ saʼ wiy soʼò wô. Wò kwu ani nìyzə̀ bɛbə tə ghù, tə̀ Zə̀kìy ki nîyzə̂ soʼò ìbɛbə yə wò zəŋə.

Mə kwuni dzìy bə̀ awò ghà yə̀ ghà zuw nəniy â mìə̀ nə̀, “Ghà liə yə̂ aghù yə̀ ghu dzwə nəniy nə̀ gha, zəŋə yə̀ ayiə àdzoŋə̀ yìy nə̀ ghu, ghà si dziy yəə â Zə̀kìy nə̀ kə lwî àghù yə̀ ghu nyiə̀ nəniy gha nə̀ ntyiə kiy, gwùŋə̀ sòʼò awò àghè dzə̀m ghu tswə̂dlə̀ nəniy gha.

I zəŋə yəə ayiə yə wò liə nəniy nə̀ aghê si zəŋə bəə nə̀ wò.

Abu wù lìy wìy bwad wô an-a-dzòʼ, kyèmi dě yə kə̀ liy kə. Abu wù lìy nìy ŋwô yəə ndzwu tə bee tiə̀ tìy, nyə̀ ə dyaŋi yə̀ tə fôŋ tə̀ â we. I nyiə yəə awò àghù yə̀ ghu ŋwaa bə̂ nəniy awò wò, abu wù lìy wìy nìy ŋwô nəniy fyiə kiə̀ kìy, kə̀ kâm bəb dzwoŋi dzə̀.

Kâʼ fə̀ dzoŋə̀ fìy way dzə ani mu utam ù bɛbə wiy. Kâʼ fə̀ bɛbə fiy way soʼo ani mu utam ù dzoŋə̀ wìy.

Wò kyilə fə̀kàʼ anə ndzòʼò ùtam wə fə muə nəniy; Wò wày dzə ani zù kumi utam u fîk a dəŋə təfàb moo ani kumi lamə a təŋə kəgə̀m.