Popular Bible Verses from Lukâs 18

Share

Yesù ə dzày yə̀ fə̀zə̀zə̌ awò tsə̀təndii tə we tiy, ani zəŋi tsə ghu tə̀ ghu ki tsəŋ kwu kə ani gwùŋì, nə̀ ghu bwiy te səə way.

Ghà moʼò nə̀, Zə̀kìy way ani saʼ nyə̀ nsàʼ àghě we yə ù sày na nəniy, abu ghu dîy yə̂ awò we nə̀ ù fày ghu nə̀ ntsə̀ tìy moo nə̀ ntsukə tiy ə̀? Ù də ŋwô ani bòʼò fə̀d ikwe ə̀? In dzây bə̂ â ghà, u kì zə̀àŋə fììy təŋə ghu mbab mbab. Wà Wù nì bè kòʼò kə ŋwô aghû yìy ghu kwu nəniy ibɛmə yiy fə anə mbyi ani bu ù bù dzwoŋi nəniy ə̀?”

Yesù ə bə̀lì kə ghu nə̀, “Ayiə yə aghee mbyi də wày ani zəŋi, Zə̀kìy də ŋwô ani zəŋi.”

Ghab kiy ndəŋə fyiə kyoŋə yə̀ nə̀ wù ù saʼà tə̀nsaʼ wə̀ bàŋə̀ kòʼò yə̀ dzə̀ wày wìyəŋi wə. U kwuni kàm dzày tsə anə uwè u we nə̀, anə yiə yə Mə boʼò də tsəŋə kə way Zə̀kìy, nyə̀ sòʼò wày ə ŋkwiʼi miy â àghù yìy, I də nə̀ yəŋə̀ mpfənsə wə̀ mə miə ŋge fyimi tsìy fyi, Mə kwu ani fày we aŋwòə abu Mə də kə̀ zəŋi ghi, Mə kî zwày dzə̀ wày anə yiə yə wìyəŋi wə̀ fyimə nəniy miə.”

Mə ndzəmə̀ dzìy bə̀ ŋwò â ghà nə̀, ìsoŋì ìsoŋì, wù wə̀ ù də kə̀ nìy tswi tsə uwe u we wiy yəə à də̀ anîsə̂ yə̀, ù way dzə ani kəli yə Zə̀kìy saʼa nəniy aghee we ate.”

Yesù ə kwuni twoŋə koŋə bə̀ ànìsə̂ yə̀ akə̀lə̀ we, dzày tsə nə̀, “Ghà kə twe dzə̀ nə̀ anîsə̂ kə bû akə̀lə̀ mìə̀, aŋwòə Zə̀kìy saʼa anə mùə̀ tə ghù yə̀ ghu na tsə iwee i ghu yiy yəə à də anîsə̂.

Yesù mee a we nə, “Kòʼò loʼo tiy, Ibɛmə yiə̀ yìy mə zəŋi wô wò taw.”

Yesù bəb yə̀ a we nə, “Wò twoŋə nə̀ìndiə miə nə̀ à də̌ wù ù dzòŋə̀ wìy ə? Wù lìy wày dzə ù dzwàbə̀ nəniy, À mày təŋ kə Kəzə̀ kə dzwabə̀ nəniy.