Popular Bible Verses from Lukâs 17

Share

Yesù ə dzày yə̀ a we nə̀, “Ŋwò kə wò zû loʼo tiə, ibɛmə yiə̀ yìy mə zəŋi nə̀ wò taw.”

Abu ù bòʼò zəŋi kə ibɛb yiy nə̀ wò soŋə insèmbe anə fəntsuk, bè dzwəŋə akə̀lə̀ wò dzìy tsə nə̀ nìiyzə̀ ayiə yam àbɛbə yiy, Mə mə kyèmì ŋwò fyi bə̀ anə ibɛb, wò kwu ani nìyzə̀ ayiə yə ù zəŋi bɛb nəniy awò wò.”

Wù umòʼ anə uzə u ghu kòʼ, tsə nə̀ ghe mə taw, u ŋwò dzwoŋi bə̀ ibàm bù kaʼ ani zɛm tə ndzàŋə kyalə yə̀ Kə̀zə̀ anə dzə̀ ìtaw yìy. U nyaʼa yə̀ a təŋə̀ Yesù nyə̀ we nə̀ zòŋə̀ kiy. Ù kə də wè inaʼ i Sàmaliyà.

Yəə i də nəniy aghi, nìy nənìy iyemì anə iwè nəli, abu àzə̀ yə̂ u lìy zə̀ŋi tsə wô nə̀ iyiə ìbɛbə yiy, kwàa tsə we. Abu ù kwuni kə dzə̂, Wò ə nìyzə̀ ibɛb i we.

Yesù ə bəb yə̀ a we nə̀, “Mə mə̀ zəŋi taw kə utuw ghi ùvəm, aghê liy yə àbwùkə kwuni də̀ yə?”

Mwe mbyi mee a ghu nə, “Abu ghà mə̀ kwu nəniy ŋyoŋə fə ibɛmə fiy yəə à də nyoŋə fə sàm ə̀ fə̀kàʼ yə̀ i tɛb tsî fyi nəniy sam tə ufyiə tə tədzə̀m, ghà tsəb də̀ ani dzày tsə â kàʼ fə̀ nə̂nê fìy nə̀, ‘Ŋwô kə anə aghaŋə’ wò zû zu dòʼò yə̂ anə dzwì ì nè yìy, fə ki zuw â ghà.”

Wù wə̀ ù khu dzəd ani bii fyi uwe u we, ù ki nìì myìʼà ŋwò. Akwuni bû wù wə̀ ù này maʼà uwe u we wiy awò mìə̀, ù kì bii fyiə ŋwò imuə̀ iwe yiy

Yesù ə dzày yə̀ awò tsə̀təndii tə we tiy nə̀, “Ayiə yiy də ŋwô a zəŋə nə̀ aghê bvə̂ nyi tswi anə ibɛb, i kwuni də̀ kə nə̀, mfəm kî bèe ŋwò azoŋə̀ wù wə̀ ù zəŋə nə̀ imwâm kòʼ i ghè yə̀ si fyiə! I dzwabə̀ tsìy fyi â ghu ani kwù tsə itay ìgwuə ì nê yìy anə umwìy u we, tə̀ ghu zû maʼà nyi tswi yə̂ we anə dzwì ì nè yìy, tə̀ ù mələ yə̀ awote, tsìy fyi â we ani zəŋi tə̀ ànìsə̀ ù lìy te à də à yuu ani zəŋi iyiə ìbɛbə yiy.

Anə yiə yə i kə də nəniy a ntsuk fə Nuwà, i nî dyòʼò sòʼò ìghəd anə ntsukə mə̀ Wà Wù nì bè nəniy ate. Aghê kə nyiə ŋwò, muə sòʼò mə̀nlwù, nìy sòʼò ìwee zù kwùm anə ntsuk fə Nuwà kə nyi kwoʼ yə̂ an-a-mfə̀n kə̀ nê kiy.