Popular Bible Verses from Luk 11

Share

Wǎyri ɓéké njukuri, i tu hí̧ hɛ̧ a béláké hí̧ gun a wǎyri dáy, i kɛrɛ ɓá, Bâa a wǎyri a nûnalê, pé tí hí̧ Têm Pukí hí̧ njukuri ka vbí nɛ́y nyá lé?

Dáy mǐ, mi sa hí̧ wǎyri ɓá: Í gɔ́ŋ, kú e hí̧ wǎyri, í ɛ́, i e ziŋáké, í haŋ, kú e ŋgburu hí̧ wǎyri.

Ɓayhí̧lé njuku ka gɔ́ŋ, kú e hí̧ nɛ́, njuku ka ɛ́y, e ziŋáké, rá̧ njuku ka haŋ, kú e ŋgburu hí̧ nɛ́.

Dáy, Zezú sa hí̧ kuriri ɓá: «Wǎyri mí kaw gɔ́ŋ Gáŋvbôn lé, í sa ɓá: “Bâa, mɔ́ niŋ a njukuri kú tu ɓá mɔ́ kaw ɓá táŋáké, a káwa mbây a mɔ̌ ké gí tísiri a bazeŋ a ɓurú.

Mɔ́ vbá̧buma ɓékéhɛ̧ a ɓurú ɓá báŋké ka ɓurú kɔ́, rú e vbá̧buma a ɓékéhɛ̧ a njukuri ka niŋ ziŋ rúy. Dáy, mɔ́ zi ná pɔŋ rú lé ɓil ɓékéhɛ̧.”»

Mɔ́ hí̧ rú sêe too, lâʼa ka ma sɔ̧́na ɓurú.

Nûn a njuku, ná ɓá lámbe a mûn, ɓay kó gel. Nûn nɔ́, kó gel ɓá béláké lé, mûn nɔ́ too, e a ɓil geltáŋa. A nûn nɔ́, mí zi kó gel mbaay, tɔ́ʼɔ ɓá mûn nɔ́ too, e a ɓil tirí̧ma.

Njuku a há̧na tí ɓá hɔrɛ ka̧n lámbe, ɓay a ɓá mú malé ɓay a ɓá yoŋ guku rú yá, dáy ɓay a ɓá si tûl tay a ké táŋgel hí̧ njukuri ka kaw ri ɓil vûn.