Popular Bible Verses from Péna a Apotereri 2

Share

Píyɛ́r zi nzáʼa a kuriri: «Í fere káwa a wǎyri, a njuku mbêw mbêw too ké nyá batêm ka rɛŋ a Zezú Kiris, ɓay a Gáŋvbôn ké vbá̧buma ɓéké a wǎyri. Dalé, i e ziŋ hɛ̧hí̧na a Gáŋvbôn, Têm Pukí a mɛ̌.

Njuku láɓulawri mbí mûn a kuriri, a kaw a ɓil lá tɔ́ʼɔɓay a apotereri, a ɓil mára̧ law mbêw, a ɓil lâʼa law mbêw rá̧ ɓil mára̧ gɔ́ŋ Gáŋvbôn.

Dáy, kú mbá ka Têm Pukí too, a tí sa nzáʼaɓayri ɓórí ɓórí, ka ŋgboro a Têm Pukí, ka hí̧ kuriri ɓá kú sáy.

Núnmbɛ̧́nɛ́, kú lá gbéna hɛ̧ a nûnalê, ɓá báŋa gáŋ kúna, dáy a gí mbá ɓil vûn a kú erú. Nǎŋnɔ́, kú kó ndísɛl ɛ́ŋ rêm hɔrɛ, tɛ̧́ a gí wal kɔ̧ tûl a kuriri mbêw mbêw too. Dáy, kú mbá ka Têm Pukí too, a tí sa nzáʼaɓayri ɓórí ɓórí, ka ŋgboro a Têm Pukí, ka hí̧ kuriri ɓá kú sáy.

Nâm too, kú kaw mára̧ dát a ɓil vûn a Gáŋvbôn, a kaw sɔ̧́lâʼa a kuriri mbêw a ɓil vûn a kuriri, ka sɔ̧́lâʼa a kuriri ka sáʼa, ka law mbêw. Kú ɗél Gáŋvbôn, njukuri too hɛʼɛ kuriri. Nǎŋnɔ́, nâm too Gáŋvbôn ka ɓá njuku a fékéri, gí ri bazeŋ a kuriri, njukuri ka ziŋ pɛ̧́na.

“Gáŋvbôn sa ɓá: Í kó hɛ̧ ka e ka̧na a sêe kɔ́rɔ́kéy: Mi e pé Têm a mǐ hí̧ njukuri too; gun a wǎyri a wûnynjukuri rá̧ wɔ̧rɔ̧́njukuri, e tɔ́ʼɔɓay a mǐ, mi e saɓay ka ŋgboro a hɛ̧ kóna hí̧ kaban njuku a wǎyri, rá̧ ka ŋgboro a lɔ́la hí̧ kpɔʼɔrɔ a wǎyri.

Njuku láɓulawri too kaw mbêw, ka wal a bazeŋ a kuriri hɛ̧zíŋa kuriri too a kú erúy. Kú fá̧ hɛ̧ a kuriri rá̧ hɛ̧zíŋa a kuriri a zé, ka wal lariké a bazeŋ a kuriri sé tûl hɛ̧ ka mbá njuku mbêw mbêw too.

Nǎŋnɔ́, njuku too ka ɗí Gáŋmbây e pɛ̧́na.” »

Sêe e reyíra gbem fêw resɛ̧ ɓá báŋa a sêm, ɗambɛl rá̧ sêe gína a Gáŋmbây ké ka̧, sêeké nɔ́, ɓá sêe kpɔ́ŋa rá̧ sêe hɔ̧́na.