Popular Bible Verses from Lukas 9

Share

Yesu ke gweɗec ndana hay fakwan faŋga, gege: «Daha ndana a wal mecəpiyey sə, da gərda mawulak yaŋ fə yaŋ tata. Da cəpiyey ava rav tata amta, da ɓəs marga masa e te dek kad yaŋ ana cəɗem cəɗem mafay taaɗaw, ara yey masa ya ta məc fa hap mazləlawa.

Masəna, kwa waawa masa a wal mecəpiyey bay, da yaŋ masa a ta zə mesfen tata mafay taaɗaw sə, ŋgesey ka zana mesfen tata ana avəda cay. Amaa kwa waawa masa ka zana mesfen tata avəda mafay taaɗaw sə, ŋgesey ka mbəla mesfen tata ana avəda.

Yesu ka gwaɗa, gege: «Kwa waawa matəhaza zlaba dapa mehəvey, e pə ndey kad ava dəɓa sə, nda ŋgesey, a ta zlafa meŋgə mezlərey kad pa Wunam ta bay ta Zlav aabay.»

Daha ndana ka ŋgat jene hay fakwanay dapa vavara nesey amaa ka zana mesfen tata avəda, daha aabay, ka nasa yaŋ tata avəda mafay te jeŋ ana sə, jeŋ ana hay masa aŋga te ŋgeteceŋ fakwan ŋgesey sə, a jəna avəda geyey?

Kwa waawa masa e ŋgə hwar ta matə yaw da yaŋ ma taaɗaw fəma ta ndana hay, daha aabay a ŋgə hwar ta makəs ma aɗaw sə, ara nesey, pas masa Wut ta nda e te vehek ava gədaŋ tata, ava gədaŋ ta Papaŋ va ava gədaŋ ta maskəla tata hay da wudam sə, a ta ŋgafa hwar fəma ta Bay Zlav may.

Yesu ka vahan, gege: «Gwebegwebekw hay ac eve veɗ teceŋ, ɗiyak hay ac ava way teceŋ. Amaa Wut ta nda sə, kwa slam ta manah kusetke masa a da sasakaɓa vaw dapa sə, aabay.»

gege: «Kwa waawa makəsa wat mekusetke ana nesey mafay ta masa e weliyey sə, a kəs ŋgesey yey ava yaŋ taaɗaw. Nda masa ke kəsiyey, a kəs ŋgesey nda mezlərekiyey may. Nda mapana yaŋ tata kusetke deveŋ akwar fakwanay sə, nda ŋgesey, aŋga nda mazlakava deveŋ akwar.»