Popular Bible Verses from Lukas 6

Share

Mevec jene kad ndana hay, Zlav da vakwar may. Ara megweɗey, Zlav a ta kuyakwar jene mabay pe jiibe ta rəkwat takwar mazlakava ana, a rəɗa, a jajəka kasl pe mezekey. Eve metehwe ana Zlav a ta ləvakwar jə masa a ta vakwar sə, ava daram masa akwa ləvec jene hay pa kad ndah mekele sə, may.»

Nda mambəla ana sə, e ŋguzdek jə maraɓa dapa rav tata mambəla ana, amaa nda suwe sə, e te ŋguzdek jeŋ masa e teh bay dapa rav tata. Eve metehwe ana, ɗaf ta ma ta ndana sə, e ŋguzdek sə, jeŋ masa maraɓa dapa rav tata.»

Amaa mawal maslagəra takwar hay, meŋgec jə mambəla ana. Mevec jene ava mawulak yaŋ ta masa aca ra vahakwaɗ avəda bay, afa Zlav da Wudam aŋga nda mambəla ana kad vara ndah masa aca sən maŋgana wasay bay va kad vara ndah suwe.

Meŋgə metekwen fa ndana hay, ara Zlav papaŋ tandakwa te ŋgə metekwen fa ndana hay fakwanay.»

Yesu ke gweɗec saya, gege: «Akwar ta paɗ yaŋ takwar ta maz ndana hay dapa mebər teceŋ ara Zlav bay, mafay ana Zlav a ta zanakwar avəda dapa mebər takwar ara aŋga ana may. Akwar ta jaw ndana ava ma bay, afa Zlav a ta jawakwar may. Mepəlecen mebər ta ndana hay, ara nesey, Zlav a ta pəlakwaɗ mebər takwar may.

Yesu ke gweɗec saya, gege: «Təlam nesey ya gwaɗakwar, akwar ndah macəka zləmay fa ma aɗaw, mawal maslagəra takwar hay, meŋgec jə mambəla ana kad ndah masa aca walakwar fe ndey bay. Mepəsefec ma ndah magwadarakwar, macə mbahw kad Zlavay mafay ta ndah maŋgadakwar hahar.

Təlam nesey, meŋgec jə mambəla ana kad ndana hay, ara masa akwa wal ac da ŋgakwar may.

Daha ndana ka kəɗakaa pa baazlam, ŋgwadan baazlam leŋgeɗey. Daha ndana ka kəsakaɗ dawrawal takaa avəda, gərda a da kəs rəkwat takaa da hwaɗiya ana saya. Kwa waawa masa ka nəkafakaa jene, vana. Daha ndana ka kəsakaɗ jene avəda sə, ka ta nəkafa a da vahakaɗ cama bay.

Yesu ke gweɗec saya, gege: «Eve metehwe ana wudez mambəla ana sə, e heyek wudiya ana hay mambəla ana bay sə, aabay. Ara aŋga ana wudez masa e ɓət meeɓətey sə, e heyek wudiya ana hay mambəla ana sə, aabay may.

Ara megweɗey, eve metehwe ana, kwa wudez wula wula sə, e te sən sə, fa wudiya ana hay. Ndana a zlafa maŋgal ɗeskeɗ fa katav aabay, daha aabay maftay fa ndərem sə, aabay.