Popular Bible Verses from Yohánɛs 16

Share

Mag laga ɓɛ́nɛ míŋ mam á lí somo nɛ́, á ŋ̀atanɛ́ la ma, miní ɓɛ́la nsaŋ. Miníg kɛ li taka mú á nyú ŋkɔŋ-á-sí, ndí, lethánɛ nyuú ányúū nɛ ma dí ŋkɔŋ-á-sí cíŋ.»

Eceg M̀búl á mbálɛ a ŋga kɛ́ li sɔ́, ág kɛ ɓɛ́nɛ li yíhɛ lí mbálɛ yɔ ɛsɛ̄, átɔm nɛ́ a ŋga kɛ́ ɓé lí pɔ́t la nyɛ́-mɛ̄n, ndí ag kɛ́ ɓɛ́nɛ li laga li mam a ámble la li yíhɛ́ lí ɓɛ́nɛ yé ɛ́sɛ yá nyɛ́ɛ lí sɔ́.

Tɛɛla nyí vɔ́ŋɔ́ɔ, miní lɛ́ ŋgí lí ɓat lí tɔ jam á jóō jáma. Ɓatán hɔ́, miníg kɛ li kuh á lí somo nɛ́ mivag máná mí yáal.»

Ákaa ɛ́sɛ ma lagá ɓɛ́nɛ mbálɛ. Mikɛ máma mí lɛ́ ányúū nsɛ́ŋ wáná, ányúū nɛ́, kí máh kɛ́ ɓé ma, M̀mɔ́mɛ a ŋgá kɛ́ ɓé li sɔ́ ápah miní lɛ. Ndí kíyáɓɛ́nɛ ma kɛ̄, mag kɛ ɓɛ́nɛ nyɛ́ lí ómle. Eceg a ŋga kɛ́ li sɔ́, ag kɛ́ li étɛ lí ɓot bí ŋkɔŋ-á-sí nɛ́ ɓá yɔ́p likɔlɓan la aɓé, etɛ́l-sim la ŋkál.

Jɔ́ nɛ́, miníg taka nyí vɔ́ŋɔ́ɔ, ndí biíg kɛ sīg-pɛ li ɛ́nan, mimím máná míg kɛ hɔ́ li sophɛ la mivag. Ndí míŋ mivag, tɔ mut á ŋgá kɛ ɓé ɓɛ́nɛ mɔ́ li ɓógtɛ. Múŋ á víŋ ɔlɔ́, miní ŋgá kɛ ɓé pɛ ma lí bihi lí tɔ jam. La mbálɛ-mbálɛ mag laga ɓɛ́nɛ nɛ́, ki maná ɓāt Etāa jam á jóō jáma, ag kɛ ɓɛ́nɛ jɔ́ lí tíi.

La mbálɛ-mbálɛ mag laga ɓɛ́nɛ nɛ́, miníg kɛ li lee la li cɛ́lɛ, kí ɓot bí ŋkɔŋ-á-sí ɓɔ́ bíg sophɛ la mivag. Miníg kɛ li taka, ndí mitaka máná míg kɛ li yaan lí mivag.