Popular Bible Verses from A Nimariu 9

Share

Pali iau a matataro mua i uka ma mu bole a vuranga ma, ga vakasiri mua vona a nitora dagi nau, lakea e huriki bara ri vakarere a ragu na tabeke lobo na malala.

Muri e BAKOVI DAGI i takia e Moses ge lakea ne Parao ge takia, “E BAKOVI DAGI, a Vure ne huriki a Hibru, i ta maea, ‘O longo vona e huriki a viri nau ri gi vano ri gi kavurike iau.

Iau a tabukoi kunana ga ratapile e huriki a viri vomu, ga ratapile ria na vuranga, bara ri lobo liu na malala.

bara rudua a gilanga dagi ge ratapile a maka bulmakau a sipsip lobo vomu, a maka hos, a donki, a kamel, turana a sipsip, a meme. Pali a maka bulmakau a sipsip ne huriki a Israel, iau e BAKOVI DAGI, ga matakari, i uka ma ri gi mate manga ne huriki a Egipto.’”

Ngane o longo, kuduvi na tahuna maea ga rudu vilia a vala-kedo. Ra vala-kedo maea i uka ma i boru hosi koea o Egipto, i tubu na tahuna e Egipto ni rata rike karaba, i valai i harena mona. Ngane o vakuku e huriki ri gi vakaha dili na roho a maka bulmakau turana a maki lobo ri mahuri ri laho polovavo, a vuhuna e huriki a bakovi, a maka hos, a bulmakau i uka ma ri gi dili na roho, a vala-kedo bara i boru langa ne ria, i rabalaki ria.’”

Ra habulo bara i poko viliha na tabeke lobo ne Egipto. Na tahuna a habulo i boru puru ne huriki a bakovi a ngatavine na maka hos a bulmakau, a loto bara i tuvu ne ria. Muri ri mapoka, ri vakabele a ngarava dagi.” Muri ru bole a habulo, ru vano ru pesi na matane Parao, lakea e Moses i voro rike a habulo. A habulo i vakabele a loto, muri ri mapoka, ri vakabele a ngarava dagi ne huriki a bakovi, a ngatavine, a hos, a bulmakau.