Popular Bible Verses from A Nimariu 10

Share

E BAKOVI DAGI i takia e Moses, “O vano o masia e Parao. Iau a ratea i gigitora, e huriki a bolekori vona ri gigitora, ga rata a maka nivakasiri na kurukurune ria. Muri ma bara o tuverei polo ne huriki e tumu, e tubumu, a maka nivakasiri a rata virihi e huriki a Egipto vona. Lakea mua lobo bara mu lohoka vona, iau kunana e BAKOVI DAGI.”

Muri e BAKOVI DAGI i takia e Moses, “O toto rike na hunu a limamu, ge bele a uvo ge kavitagua e Egipto. Ra uvo iea ni hataki.” Lakea e Moses i toto rikea na hunu a limana, i bele a uvo vatubi, i kavitagua e Egipto na parava i tolu. E huriki a Egipto ri keri ni matai mule ria, ri made kunana na ruma. Pali a tabeke i made vona e huriki a Israel i uka ma i bele vona a uvo vatubi.

Lakea e Moses i toto tala a kodo vona, lakea e BAKOVI DAGI i ratea a vilu i ngalu valai na nirikena haro na parava i taku, a rodo i taku. Na hatelanga a maka koa ri bele. Ri valai ri toka na tabeke lobo ne Egipto, ri ratapile a maki. Ra maka koa ri kupo hateka. E huriki a Egipto i uka ma ri matai hosi a maka koa ge kupo hateka maea, muri i uka ma ri gi matai tabu.