Popular Bible Verses from Mariko 12

Share

Yesu ahaakhulla wi, “Lamulo nuullupalli tti nna, ‘Iwella Israele, kheyiivo apwiya amodda koma Apwiya Mullukwaahu. Nave waakondeke Apwiya Mullukwaawo ni murimaawo muttheene ni okumaawo muttheene ni maganizwaawo mattheene navettho ni masivaawo mattheene.’ Naneepiilli nuullupalli moophwanaphwana tti nna, ‘Waakondeke akhwaawo wonanko mmo oniikondelleewe weekha.’ Kheyiivo malamulo muullupalli ookhwaranya meellaalla.”

Yesu awiithana oohudderaaye vamodda allota wi, “Ddawoona, kinimuulleellani wi, naamukhwelle oohoowooyo sika amorihellemo ddinchichi ohiyana ni attheenaayo. Vawi amoddaayo yaavelleella moollikana ni nnddo yavahullalliiwa va eyuumiiwa koma olliyoolla ni ohoowa wayenngu, oovelleella ddittheddene aariiyena wi achelleke.”

Yesu akeraatthilleeye moowehanana ni moosungellamo ddoovelleella mu enyumba ya Mulluku, aawoona athu emorihellaka makobiriiwa moosungellamo. Athu anchichi eeyuuma yaamorihellamo makobiri awaata. Nave naamukhwelle oohoowa aawa amorihellamo asimakobiri meelli, ookwakhwana nikobiri nimodda.

Nave onapaalleya wi omukondeke Mulluku ni murimaawo muttheene ni maganizwaawo mattheene ni masivaawo mattheene navettho omukondeke mukhwaawo wonanko mmo oniikondelleewe weekha. Malamulo meellaalla tti oopaalleya ohiyana ni oheraatthi mukutho wooshellelliha wa Mulluku.”

Vano Yesu aallota wi, “Ddawoona, sika velleellani wa Kaisara nnddo ddiri dda Kaisara nave velleellani wa Mulluku nnddo ddiri dda Mulluku.” Vano Yesu ahaattikhiniha.