Popular Bible Verses from Marcos 13

Share

Ptowru yineru hahnanutanhi hixa hita tshinanu seyni poyehi halixleru haté hmahle papko, riwekanu.

Hiyáhoni hislahinri [hiyrunu hanjihohnetanu] klu tshinanu hixa hi himatlu rapojinri hohnepa.

Hkachitkoklunpatka hi hkojwakahchinikanutanu hanu htshin-hihretanu hjihyehitjen-yehi hapojinipa. Klu tshinanu rapojinpapkopatka hyanumaxyawaka Hoyakalu henektokanutanhi. Klu tshinanu hyanumaxiniklunupa hi hixako htshinrepni seyni Hoyakalu Hiwejikaluru henektokanutanhi.

Tenhohne tshij-koxa nikawnanu seyni ntokanu hikeklu nikawnanu.

— Hike himatlu wale hohne hi hipapkoluko rakanhiywakapa xyekaka. Hiwejikalune Hoyakalu towrene tenhohne hajene hi himatlu, hi Whentshiko himatlu seyni Hirtshi tsonupka himatlu.

Hjeminiplu hiylakaklu ho pa tshijnekaka yahotkakle pirana hi hpikanu. Klu tshinanu xye ptowruko hakanhanu seyni hi hnikawnalepnitshi.

Hiyáhoni hislahanu klu tshinanu hi himata hiklu hsatkapanu kapjiru. Ho kayiplahe ho hanikaj-yetshnoplahe ho hohistsiplahe ho yetshpotukawaplahe. Chinpotukawa runinipa hma mapyehixyawakanuphi himkatshinhi. Ntshinyawakhi ptowrunekhi ntshinanru: Halikak-potu hislahinri!

Pa neruymako hyahotkakanu satu neruko. Pa tshijneko yahotanru satupni. Hix-poktshi hiyolikanu. Natshipni. Xyekaka mturu tshino yinuwakle pixkalutni.

Hmapokkanuhnapukawa hnikawnahohnexyawaka ralukko kihle piranalu potuko hiwekkaklewatatshri pirana hinkajyawakapna ptowru neruka.

Klu tshinanu hixo hiphujewnanu hita hiwakaya wla tshinatshripa, “Hita Cristo-no” waneya hixopni hyokwijetanunna.

— Wane ntshinhi ptowru potuka hmuphujewnaknukawa klu tshinanu preso hitakko, hjemahchinikanyehitko hiyrunu hanjihohnewakapjikaka hkotshipjexiko. Tsru hixikatshinwa hiyrunu tsrukakalune nwaka hanikko hita hiwaka tshinanu halikaka pirana hpohixyawakapa.

Klu tshinanu hixolune Messias minjene hiyrun-koxa Hoyakalu tokanu hinkakletatshine minjene hakanhanu hiyakolukaka hiyrunu himyekaklewatatshri kamhatshine hyokwijexyawakapna yine. Rumukatkamka haté Hoyakalu nurrene hyokwijetanu.

Waneya Jesus wan-tshina: — Xye hohne hajeru salewaktshi nikawninipa, waneklutka rutshpokanu tkatshi, hi katalupni ksuru, katahirine tenhohne hijrujini, hiyrun-koxa tenhohne hajerkaka hiyolikkako.