Popular Bible Verses from Marcos 12

Share

Waneya Jesus hihita: — Xyekni yokanruru hijhakalur-potu: “Hyijnakotanu Israel-nerune! Tsru Hixikatshriwa Woyakalute, wale tsonni Hoyakalu. “Pamotanru Tsru Hixikatshriwa Poyakalute psol-potuko pajiya, psol-potuko piwejinriya, psol-potuko pmixkonuya, psol-potuko pihchinikanuya.” Yokanruru hepi rixinri wla htshin-yonhata: “Pamotanru pimwastsitanru pamoxnawakwa pixka.” Hi rawa satu yokanruru xyekaka yohnik-hijhakaluru.

Hiyáhoni Jesus tomhana rasruklene. Waneya wla htshinna: — Halikaka wane ntshinhi, twu hipnahnurutatshro hike mwikato pimrine yohnik-tutaka wala. Klu tshinanu nyi pimrine hixetatshro tsonu rutakna. Seyni wala, hike mwikato, teneklu psoluka timwakanatanru, tyoptojetanru tenekatka.

Waneya Jesus tuplakanata Hoyakalupjiya. Hoyakalu henekachal-pajistsi htuplata. Ruslahakanatna yine henekachal-paji hitak-tiyirotetatshine. Hixo phurune tsru tiyiro hitaka. Waneya wan-rixakanatawana hipnahnurutatshro hike mwikato hapokamtatka. Tutaklo tiyiro seyojiji hepi proji.

Wamoxyawaklu Hoyakalu psol-potuko wajiya, psol-potuko wihchinikanuya, psol-potuko wmixkonuya hiyrun-koxa wamoxyawakna wimwastsirene wamoxnawakwa pixka ptowru henekachlu yoxikkalurupa hiyrunu henekachaxikolu Hoyakalu tshinanupa yohnikayalutni.

Hiyáhoni Jesus wla tshina: — Henekanru César kluneruktapni César-nu henekanru hiyrun-koxa kluneruktapni Hoyakalunu waleko henekanru. Waneya rimyekna ruhixya tshinanna.