Popular Bible Verses from Marcos 14

Share

Ca co'na' nqouagaxain, 'naaco': —Qami' ita'a, ma' qami' qaica ca qalañirac. Tegue' chaqai 'maxariñi' quiyim se sovichiguit dajo ñi'guenaxac dá'maq 'nejem aca naqana chim. Qam mesqaida quiyim chaqaida dá'maq sahotaque, ta'ta'a cá'maq vi'saque, ca' chaqaica.

Ỹaatqajam nelohitauec chaqai nqouagaxaiñii, qaiyi sqo viriu'a ca ne'guenaxaguii. Ma' ca qom quiyí'maq hueetagui añi le'taxanata ỹaatqajam nasapteta, qam ná'maq loshicmaxa neual.

Ỹaatqajam llic da shinac caqamiri, quiyim canchaqai hua'gue quiyim qaỹa'xat dajo na'qaatec chicqaugui da nca'laxa quená'ogue na 'laua, qai'neeta qaỹa'xatetac da ỹo'uet aso 'aalo, qaiyi se qaicoua'e aso'maxare.

Ca 'naapegalo': —Añi i'taxanata ỹaatqajam rachicota, ma' ỹa'deenta'guit da lelauaxa. Ñaq qoviỹa'e najo, qam sqai laxaiỹo', ta'ta'a quiyim nelohitauec.

Ca co'na' ñaq que'eeta'pe, ca' so Jesús icono' so pan, ca ỹaanshiguim da na'aachic quiñi qota'olec. Ca co'na' ime ỹasectaqchigui, ca' ỹaanouguilo saua'maxare, ca 'naaco': —'A, a'guii najo, chaqaina najo ná'maq ỹoshicmaxa.

Co'na' ime, ca' icona aso 'taxaqui. Ca co'na' ime ỹaanshiguim da na'aachic quiñi qota'olec, ca ỹaanouguilo saua'maxare, ca sá'ogue ni'chigui aso 'taxaqui. Ca 'naaco' quesaua'maxare: —Nauajo chaqainaua nauá'maq iuo', naua'maxare i'taxachiñi dá'maq dalaxaic 'maqataxac, chaqai qaỹocoraqta'pe ma'le, qaiyi 'xoic ma'le ca nca'leuec.

Co'na'le, ca' so Jesús 'naaco' quesaua'maxare: —Qamiá'ogue yo'ueenaqchitañi quena pe, ma' yi naneretañi na'qaatec 'neetasa': “Salauat ma'le so neloxoỹaq cana qagreta, ca' ana qagretaipi neuagaxatac ma'le.”

Ne'laxachishiguim, qolaq, ma' mashic novi' ná'maq yayaano.

Qam so Jesús 'naaco' queso'maxare: —Ỹaatqajam llic da shinac caqami', quena pe ma' saqa' ỹovi' dos noỹen ca huaqa'e, qala' ỹovi' tres quiyim noqollicchisa'pegue aỹim quiyim 'ñirac sqai huañirapiguiỹa'.