Popular Bible Verses from Marcos 13

Share

Ma'le, ca ná'ogue na qomyipi se nqo'talo qamiri, sovitapigui aỹim. Qam cá'maq ỹaatqajam quelec ỹovireta'a ca chi lqodoc, ca' chaqaica cá'maq ca'laaxaic ma'le.

Vichiguiño' qamiri ỹaatqajam nelohitauec, chaqai na'maxachitañi chaqai nqouagaxaiñitac, ma' sqa 'yiiñii quiyim ỹovita ca laloqo' dajo.

Chaqai ma' qaỹauegueu'alo qamiri na nashillipi, mesqai 'xoic riỹalaxahi quecá'maq 'xachii chaqai mesqa 'yiiñitaque. Ta'ta'a quiyim 'xachii cá'maq ỹaanema qamiri ma'le ñi qota'olec quiyim 'xachii; ma' mesqai qamiri nauá'maq taxahi ma'le, ta'ta'a so Espíritu Santo só'maq retaqa ma'le.

Tot qaica ma'le na piguim chaqai na 'laua, qam naua ỹa'qaatqa se ishit quiyim se ipaguiguilo.

Qam quecá'maq na'xa'a chaqai ca laloqo' qaica ỹa'den, vire'ta na nelaatqaipi piguim laseripi, chaqai vire'ta ná'maq llaalec ñi qota'olec. Qaiñiita ñí'maq qota'olec maq ỹa'den.

Qam noma' 'ue ca ra'xaỹaxaguii queca lauataq quenajo, chaqai quedajo totaxan ro'chii, ma' chaqaida 'neeta ma'le; qam saqa' novi' cá'maq nqodoc.

Ca' qamiri ỹaatqajam nelohitauec ma'le, ma' sqa 'yiiñii lagui novi' cá'maq lauo' ca 'imec, ma' sqoue novi' ma' napalchiguiñi, loqo'm ma' pe lauel, loqo'm ma' noỹen ca huaqa'e, loqo'm ma' richiitegueñi. 'Neeto' lotqai quiyim ne'laqataxanto novi', ca iuanalgoto qamiri laxaita. Dá'maq shinac caqamiri, shinapega ná'ogue: Quiyim nelohitauec.

Ma' na ỹoreta'oguit qomyipi nco'ỹata' ma'le, chaqai na nashi ỹo'uet ca lauataq queca liỹa nashi, chaqai 'xoic na hua'ñi quiyim i'loxol na 'laua, chaqai 'ue ma'le ca nqopaaxa, chaqai 'xoic da ne'laxa. Qam dá'ogue dajo chaqai chicqochi'ñi cá'maq 'neeta ma'le ca ne'xoric.

Ca ma' saqa' novi' ca nqodoc, ca' dajo na'qaatec chicqaugui da nca'laxa shi'gue qaỹa'xatem ma'le ná'ogue na qomyipi.

Ma' 'xoic ca naquetaugui ma'le da ỹeenaxat, ca ma'le 'naac: “Chaqaỹim ná'maq ỹim nashi nca'laxaqui”; ca 'xoic ma'le ca layinec.

Qam chi ncochiỹalta' qamiri, ma' qoỹaaneu'alo qamiri ma'le na nashillipi, chaqai huaugui ma'le ana lapoxoqui na judioipi, ca qaỹouaxanta'pe qamiri. Vire'ta qaraviguiu'a ma'le na nashillipi neloxoỹaripi quena qom chaqai ná'maq lashi na nashillipi sovitapigui aỹim. Ca' quiyi, ca' shichii 'xachii aỹim quena'maxare.

Ma' 'xoic ná'maq anac ma'le 'maatqaiquipi, 'naac ma'le chaqaina ná'maq nashi nca'laxaqui loqo'm 'ec letaxaỹaxanqajnec ñi qota'a. Ma' na'maxare ishit ỹo'uet na netanqaipi chaqai ná'maq se qaiuanapega, sha'apiguito' quiyim ỹayin ná'maq shi'gue lca'acseripi ñi qota'olec.

Qam ma' ime' cauajo ne'xoyaxaqui' na'xata', ca' ñi ra'aasa napalligui, chaqai ñi shiraigo qaica ca lauaq, ca' na huaqajñi najñi quena piguim chaqai na nquesaxanaxa hueeto'ot na piguim i'loxol ma'le.