Popular Bible Verses from 1 Corintios 6

Share

¿Sqa 'yiiñio' qamiri quiyim na roshicmaxahi mashic lauo' so Espíritu Santo, só'maq ỹaanema qamiri ñi qota'a, chaqai so'maxare mashic neetauguilo qamiri? Ca' qamiri se ralamaxarichii dá'maq no'ueenataxaguii, ma' ñi qota'a lishiujnaxanqate' qamiri, qam chalego lecaic ca nishiuetenaxaguii. Ca' no'uen quiyim machii'ot quiyim pacqajñiỹauec ñi qota'a quena roshicmaxahi chaqai queda no'ueenataxaguii, ma' naua'que lalamaxarete' ñi qota'a.

¿Sqa 'yiiñio' qamiri dajo, ma' queca ỹo'ueetetac ca se ỹa'maxañi queca liỹa, ca se ishit inoxonou'a ca ñaq naataho lo'ueenataxanaxac ñi qota'a? 'Neeto' lotqai quiita'uegue ca nayinaxaguii, ma' se ishit inoxonou'a ma'le da lo'ueenataxanaxac ñi qota'a ná'maq ñaqai queetalec da nedequenaxac, chaqai na ñaq nqouagaxaintacot ca nashiilec, chaqai na lapaatapi'ñi' aca se loua, chaqai ca hueeta'piguit ca nallishiua, chaqai na cuataxaiquipi, chaqai namataxalaic, ne'taaxai, la'axaqa lo'o', chaqai ỹayin ca liỹa quiyim naqat aca lam.

Ca vichiguiño' 'iichiỹapeguem da dequenaxac. Canchaqaica liỹa quená'maq nasauaxaset quiyim ỹo'uet ca qom, qam se ishit pa'aauo quena loshicmaxa. Qam ca queetalec da nedequenaxac, ca ca'maxare chi ỹasauaxat ca chi lalamaxat loshicmaxa.

Ỹaatqajam llic da na'qaatec 'naac: “Quiñi 'óna se qaỹollapeguem quiyim ỹoiquentac cá'maq shim ỹo'uet”, qam mesqai ná'ogue no'uenaxat ca qom. Ajá'a, llic quiyim se qaỹollapeguem ca 'óna quiyim ỹoiquentac cá'maq ỹo'uet, qam quiyim ca qom mesqai ỹaxane'tegue quiyim chi ncoñiralta' quecá'maq ỹo'uet.

Ca' ñi qota'a ma' nca'leuec nqai'en so qara'gaxala' na' qaỹalauat, ñi'maxare qai'neeta nca'laxaterec qomi' ma'le, ỹahote'e da chi lquesaxanaxa.