Popular Bible Verses from Génesis 32

Share

Hinaqtinmi chay runaqa Jacobta niran: —Kunanmantaqa manañan Jacobñachu sutiykiqa kanqa. Aswanqa Israelñan sutiykiqa kanqa, Dioswan hinallataq runakunawan peleaspa vencesqaykirayku, nispa.

Hinaqtinmi chay runaqa Jacobta niran: —¡Kachariway ripunaypaq! Ñan achikharamushanña, nispa. Hinaqtinmi Jacobqa contestaran khaynata: —Sichus mana bendeciwankichu chayqa, manan noqaqa kacharisqaykichu, nispa.

Chaymantan Jacobqa sapallan qepakuran. Hinaqtinmi huk runa paywan pelearan yaqa achikhamunankama.

Chaymi Jacobqa chay lugarta suticharan “Peniel” sutiwan. Hinaspan khaynata niran: —Kay lugarpiqa Dioswanmi uyapura tuparuni. Ichaqa Diospa uyanta rikushaspaypas kawsashaniraqmi, nispa. [Nota: Hebreo rimaypiqa “Peniel” sutiqa “Diospa uyan” ninantan nin.]

Ichaqa Jacobta mana venceyta atispantaqmi, chay runaqa Jacobpa siki tullunpi takarparan. Hinaqtinmi Jacobpa siki tullunpi kaq moqochon lloqsirparan, chay runawan peleashaqtin.

Chaymi chay runaqa Jacobta khaynata tapuran: —¿Imataq sutiykirí? nispa. Chaymi Jacobqa contestaran: —Jacobmi sutiyqa, nispa.

Hinaqtinmi Jacobqa chay runata tapuran khaynata: —Kunan niway, ¿imataq qanpa sutiykirí? nispa. Chaymi chay runaqa contestaran: —Qanri, ¿imapaqtaq sutiytari tapuwashankí? nispa. Hinaspan chay lugarpi Jacobta bendeciran.

Noqaqa manan chay suma-sumaq khuyapayakuyniykita chashkinaypaq hinachu kani. Kay Jordán mayuta chimpashaspayqa, huk bastonnillantinmi pasarani. Kunanmi ichaqa tukuy imayoq kapuni. Chaymi tukuy kapuwaqniytaqa ishkay grupomanraq t'aqarunipas.

Chayraykun Israel *nacionniyoq runakunaqa asta kunankamapas mana mikhunkuchu animalkunapa siki tullunpi kaq hank'utaqa, chay runa siki tullunpi Jacobta takarpasqanrayku.

Hinaspan Jacobqa Señor Diosmanta mañakuran khaynata: —Abueloy Abrahampa hinallataq papay Isaacpa Señor Diosnin, qanmi niwaranki: “Llaqtaykiman kutipuy familiaykikunapa kasqanman. Noqan qantaqa yanapasqayki tukuy imayoq kanaykipaq”, nispan niwaranki.

Kunanyá wawqey Esaupa makinmanta atiyniykiwan libraykuway. Paytan noqaqa manchakushani, hamuruspa warmiykunata, wawaykunata hinallataq noqatapas wañurachiwananmanta.