Popular Bible Verses from Génesis 28

Share

Noqan qanwan kushka kashani; maytaña riqtiykipas waqaychasqaykin. Saynallataqmi kay allpamanqa kaqmanta kutichimullasqaykitaq. Manan saqesqaykichu. Aswanpas kay nisqaykunataqa llapallantan cumplisaqpuni, nispa.

Saynallataqmi Jacobqa sueñoyninpi rikullarantaq, paypa ladonpi Señor Dios sayashaqta. Hinaspan Señor Diosqa khaynata niran: —Noqan kani abueloyki Abrahampa hinallataq papayki Isaacpa Señor Diosnin. Kay puñusqayki lugar allpatan qosqayki qanman hinallataq mirayniykikunamanpas.

Chaymi Jacobqa puñusqanmanta rikch'arimuspa khaynata niran: —Cheqaqtapunin Señor Diosqa kay lugarpi kashan. Ichaqa manan noqaqa cuentata qokuranichu, nispa.

Chay lugarpin Jacobqa prometekuran khaynata: —Sichus kay viajeman risqaypi Dios noqawan kaspa, waqaychawanqa, mikhunatapas qowanqa mikhunaypaq, p'achatapas qowanqa p'achakunaypaq, hinallataq papaypa wasinmanpas sumaqlla kutipunaypaq yanapawanqa chayqa, Señor Diosmi noqapa Diosniy kanqa. Hinaspapas kay rumi sayachisqaymi Diospa wasin kanqa, nispa. Chaymantan Jacobqa nillarantaq: —Diosnilláy, tukuy imakuna qowasqaykimantan *diezmoyta qosqayki, nispa.

Qanpa mirayniykikunaqa ashkallañan kanqaku ñut'u allpa hina mana yupay atinaraq. Paykunan tukuy lawman ch'eqespanku, kay pachaman hunt'anqaku. Hinaspan qanrayku hinallataq mirayniykikunarayku ima, kay pachapi llapallan nacionkunapi tiyaq familiakunaqa bendecisqa kanqaku.

Chay lugarpa sutinmi ñawpaqtaqa “Luz” sutiwan reqsisqa karan. Ichaqa chay lugarpa sutintan Jacobqa cambiaran “Betel” sutiwan. [Nota: Hebreo rimaypiqa Betel sutiqa “Diospa wasin” ninantan nin.]