Popular Bible Verses from Proverb 4

Share

Vey bien bann panse ki sorti dan to leker; samem lasours lavi.

Get bien kot to met to lipie; lerla, to sir to pa pou kogne.

Pa les mansonz sorti dan to labous; pa les to lalang bate pou koz ninport.

Pou to vinn saz, devlop lasazes dan twa; rod disernman, parski li pli inportan ki tou seki to posede.

Bann move dimoun mars dan sime marenwar; zot kogne, e zot pa kone ar ki. Me sime bann zis, li kouma lalimier gramatin; so klarte kontign ogmante ziska soley anler.

Pa abandonn lasazes e li pou protez twa; kontan li e li pou vey lor twa.

Gard dan to memwar lansegnman ki to finn gagne; napa les li sape. Vey li bien, kouma to vey to prop lavi.

Pa imit bann move dimoun; pa azir kouma bann malfeter.

Mo zanfan, ekout konsey to paran; fer atansion, e to pou gagn disernman.