1
MATAYO 7:7
Biblía Axweesantá Hhohho' ar Mungú 2004
«Firiiriimé', kuungá' tundu qáy, leelehhiitaak kuungá' a sleerá', ateetimé' afkú dó' wa ale, piindo ka qo duux.
Compare
Explore MATAYO 7:7
2
MATAYO 7:8
Asma umuúqo heé firiiriím ku qáy, nee kudá' leelehhiít ga sláy, nee kudá' afkú doó wa ateetiím, piindo ka qo duux.
Explore MATAYO 7:8
3
MATAYO 7:24
«Umuúqo heé axweesanay'eé' kwí gwa axaas nee adoodá' i kaahi gay tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.
Explore MATAYO 7:24
4
MATAYO 7:12
«Gawaá adoorihe umuúqo gaaro ar kuungá' ta sla'a' muu ni kuungií tleehhi, kuungá' adoodá' tleehhaak sleeme dir'ine. Asma hara'ayár Mose nee gooír aaruuse adoorí gan kát.»
Explore MATAYO 7:12
5
MATAYO 7:14
Ala afkú iiraákw nee loohír iiraakw in baraá slafíngw kayá'. Nee múk loohidá' ga sláw ku niiná.»
Explore MATAYO 7:14
6
MATAYO 7:13
«Daraahé', afkú iiraákw ar oohaak, asma afkú iintlaáxw nee loohír iintlaaxw in baraá qwanoó kayá'. Nee múk loohidá' ga óh ku úr.
Explore MATAYO 7:13
7
MATAYO 7:11
Ala bar kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúhúng oo gawaá doorí dirií' i ak waaraáhhiíke muruú hhó' nguwa haniisi dír kudá' inós ngu firiiriima'a.
Explore MATAYO 7:11
8
MATAYO 7:1-2
«Muu mu sakwasleemuutara' as kuungá' mutunduwa sakwasleemuút. Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.
Explore MATAYO 7:1-2
9
MATAYO 7:26
«Nee heé axweesanay'eé' kwí gwa axaas, ala adoodá' i kaahi gay tleehhiiká, a slaqás nee heé daktani, oo do'ós gwa tleehh gawaá daanduú hhasaangw.
Explore MATAYO 7:26
10
MATAYO 7:3-4
Kuúng mas suwito'ór baraá iltá heewók an ara'aán, ala waaqaasír baraá iltók a tsatsahhaandaaká? Laqaá adór heewók kur beer, ‹Xáda, suwito'oosír baraá iltók án ngi hingeés›, bar waaqaasi i baraá iltók i dirí'.
Explore MATAYO 7:3-4
11
MATAYO 7:15-16
«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl. Múk adoorí uqo tsahhá' ar tlehhmi'ii'ín. Xáy, muu sabiíbu gu gawaá xaa'aá laqayaá wa buaaína? Laqaá /aantsí ka gawaá xaa'aá laqayaá wa buaaína?
Explore MATAYO 7:15-16
12
MATAYO 7:17
Gawaá adoorihe umuúqo xa'anoó hhoó' mamaá hho' gin laqwaal. Nee xa'anoó tlaákw mamaá tlakw gin laqwaal.
Explore MATAYO 7:17
13
MATAYO 7:18
Xa'anoó hhoó' mamaá tlakw gi laqwaaliiká. Slám xa'anoó tlaákw mamaá hho' gi laqwaaliiká.
Explore MATAYO 7:18
14
MATAYO 7:19
Umuú xa'anoó mamaá hhó' gi laqwaliimaaká, kun tsaat, kway baraá ásltí kwaahh.
Explore MATAYO 7:19
Home
Bible
Plans
Videos