Popular Bible Verses from LUKA 15

Share

Aluuwo iri tláy, iri kií/ amór baabuúwós. «Ala qoomár iwa amorqá' saáw i kahhi, kuri ár nee baabuúwós, guri gurtláy. Baabá iri amoorós i ta'aaín, guri slaqwtós i óh, guri ma'aás.

Asma garmaaeé' kwí geeraawo aa gwaá', nee hám naa waasleé/, geeraawo aa qwaár, daxta ugwa slawaán.› Bara/ kuri iimu/ún.

Án a kah, gawaá dooriiwo sleeme ta adoorír qwalalaa/ as heé wák oo tlakusmo oo aa hhu'u'un, ta múk mibeeraá gwaleél nee gwaleele oo gan'amuú koóm, oo hhu'u'uungw gu sla'aaká.»

Aníng a tláw, amór baabuúeé', nee nguri baw, Baabá, án aga tlakweés geeraá Munguhe nee geeraawoge.

Garma iri oó', ‹Baabá, án aga tlakweés geeraá Munguhe nee geeraawoge, a hariimaaká daxta tiwa garmaawók ar ateetin.›

«Barnaxes heé wák baraá tla/angwhunge bee/ángw tsiiru gu kón, bee/ír wák bira qwát, adór i laqi a adoomá? Aqo bee/ángw mibeeraá gwaleél nee gwaleél gun geexáy baraá qawo, iri tláy, tidá' aa qwat gari leelehhtuú áy, ay dír ngi slay.