Popular Bible Verses from LUKA 13

Share

«Ilakaaharu tleehhaak tawa data' ar afkú iiraákw. Asma án a kah, awa yaariir dahmu ngu leelehhiyá', ala ngu aleeslay'aaká.

Nee /ameenirka didaádae i deer ar neetlaamér aa eér. Inós neetlaameedá' iimír ngiwa eér kureeri a mibaá nee dakaát. Neetlaameedá' gari qwambatisa hhe'és, slám inós gan'aasaro ti aleesleeraaká. Yesu ngiwa ár, gari ateét kari báy, «Aáyo, kiíng aga hungú/ baraá slahh'amaayeerók tisinge.»

Yesu dabaawós giri gawaá /ameenidá' i qaás. Inós hamtidár kilae iri ganá', Mungú guri xirfayeemís.

Ga/aawaak baraá kuká' alaá har'a, ta bahh geerií waaraahh. Nee baraá kudá' geeraá har'a, ta bahh alhhe'eesáy kii/.»

Qoomár heé do' loó' bira tláy, afkú do' burngwa tseék, kuungá' tari sihhitá' tsee/aá wa ale tawa ateetiinda' tawa kata', ‹Aáko, do' gweereek.› Nee kuungá' nuri bay, ‹Amór ta dahha' aníng a xuaaká.›

Aasla'áy, án a kah, ala kuungá' bar hhu'u'uunda'aaká, a qwadá' adoodár kilár alé.»

Ala inós kuungá' nuri bay, ‹Amór ta dahha' aníng a xuaaká. Quutlé' dir'eene kuungaásingá' sleémeero awa tlakuuse.›

Gawaá adoorihe Yesu iri oó', «Waawuti'iimár Mungú gár kara slaqamís a milá? Laqaá aníng gár ngir alqoomees a milá? Gár kara slaqamís a ilmoó xa'anooko ta bay haradaáli. Hee guna dahaás baraá qaymoorós. Niri ti'iít, iri xa'anoó úr tleehhiít, tsir/o maray'ín giri gawaá haleemiiwós i tlehhít.»