Popular Bible Verses from IIMU/UUNGW 32

Share

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

Heedaádá' Yakobo guri báy, «Án geemawáng ni tláw, asma iimi aa /awaakuúr.» Ala Yakobo guri báy, «U geemawaaká ay dír án i tsuq.»

Yakobo iri kilós meét. Heeko wák nina hardáh, tina /otsatsitiyé' nee inós ay ságw looa.

Yakobo umuú didá' guri báy Penieli, i kaahi, «Nee Mungú taa araán ila nee tí, ala aníng a slaáf.»

Heedaádá' ngiwa ár adór Yakobo arba/atiro ngur aleeslayká, kutl/umoó Yakobo guri kwatiít, Yakobo iri yaae han'aát.

Inós gway yaahaás, «Asma kuúng a heemá?» Iri oó', «Yakobo.»

Yakobo guri báy, «Na'ás, umuuwók ooang.» Ala inós iri oó', «Gár umuueé' kus yaahamis a milá?» Yakobo guri tsuúq.

aníng a ló'wa hariimaaká hhooeemaadá' nee inkihhimuudá' sleémeero kuúng naa aníng i laqaandi, anuú sagadiyusmoowók. Asma yaaér Yordani ngiwa waaraáhh, gár ni koom i káhh, aqo har hhara kilós. Ala daxta a daqooroó tsár koóm.

Tam ay laarí múk Israeli fu'unaá dír kutl/umo gi /aa/ayiiká, asma didá' an dír heedaádá' aa kwatiít qoomár tiwa /ootsitiyé' nee Yakobo.

Naagáy Yakobo Mungú guri firín iri oó', «Munguú baabuúeé' Abrahamu, Munguú baabuúeé' Isaka, AAKOÓ MUNGÚ kuúdá' án iga beer, ‹Kií/ baraá yaamuuwók nee amór mukók,› ina al'axweesántí hanís ar iwa hhooárí tlehh

Án kuúng u firiím, ba/amisáng daxta baraá dabaá hhiyaaeé' Esauwo. Asma án inós u da'ayumiiít tiwa haramuki, nee sleémeero tiri tsuu/, ín aayo dinkwa nee na/iiwo.