Popular Bible Verses from IIMU/UUNGW 28

Share

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

Yakobo iri tláy baraá gu'uteero, iri oó', «Ar ló', AAKOÓ MUNGÚ i diirí dirii', aníng aga xuiiká.»

Yakobo al'axweesani gari qaás i kaahi, «Mungú ala kuúng bar dinkwa nee aníng, nee bir de'eén baraá aaiieene, muruú /ayma nee tsitaywo bur ngu hanmís, nay kií/ amór doó baabuúeé' ar saxareema, daqaní kuúng AAKOÓ MUNGÚ, an Munguúeé'. Tlaa/anoowí naa diirí sihhtís adór uhmo, a do'ók. Baraá tidá' sleémeero kuúng niqo hanisa, aníng ar wák baraá bohhaá mibaango ngi dirógí haniís.»

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

Didá' gay báy Beteli, ala umuú gixsadá' geeraawo a Lusu.