Popular Bible Verses from TLEHHMA'AÁ YA/ABUUSE 1

Share

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Iri oó', «Siiwadá' nee qoomaadá' Baabá aa qaás baraá aleesleemuuwose a gadiyérhungeeká kawa xua'.

Tam qoomár inós nee ya/abuuse tiwa doogiyé', giri hara'ayín, iri oó', «Ma ti'iitara' baraá Yerusalemuwo, ala al'axweesantá Baabá na daamaak, tidá' taa dir'eé' wa axasé'. Asma Yohane ina baatimiís ar ma'aay, ala kuungá' tundu baatimiis ar Qeeruú hhoohhoó' oo Mungú alaá deeloorí niina aa meti.»

Alaá gwa'araarose inós tina laqaqán dír ya/abuuse deelo mibeeri tsiyáhh ar layaá dimbadimbé, adór inós ir slaáf. Nee kángw waawuti'iimár Mungú guri axweés.

Axweesanaywí ooaro nguwa hhe'eés, qoomár inooín kuwa ga/ay, inós kurir gáwtí tláy, huunki guri ilaaót dír ilaaín wa ale.

Qoomár Yesu iwa gáwtí tláy, muu ilaaín giri kiririhhín gawaá doori. Múk tsár iri bihhaíní sihhiít oo inqwar /awák. Mukdá' iri oó', «Aá múk Galilaya, asma milá mas sihhimitá' tawa dooraá ga/eerá'? Yésuuwí gawaá doori tsa/a/ám ni kii/, ar adoosíng kura aandé' iwa tsa/a/an gawaá doori.»