Popular Bible Verses from Luka 8

Share

Yáhamaseki amawahi, wowu antu atiyaŋa izu namuchima wawu wawuwahi walumbuluka, hiyakudikwata naŋovu, hiyakusoŋa nikutatakenamu chikupu.

Yáholokeleli munyiŋa, wowu antu akwila chakutiyawu, hiyakudiyila kwawu; kwakama, nimaheta, nikutiya kuwaha nayuma yawumi wunu, hiyikuyijika, kusoŋa chalala nehi.

Yáhamalola, wowu antu akwila chakuyitiyawu, hiyakutambula izu namuzaŋalu; wena muji nehi, akwitiya kampinji kanti, chakamonawu yuma yakuyeseka, hiyakusenukamu.

Hakuyila nindi, Kukuhwelela kwenu kwokudihi? Atiya niwoma, hiyakudihayamina, hiyakudila wumu namukwawu nawu, Yeniwu akwovwahilawu kudi mpepela nimenji hinyi?

Yákunsa yanjila wowu antu akwila chakuyitiyawu, diyabolu hakwinza nakuhukula mazu munyichima yawu, akenda kukuhwelela hiyakwamwinewa.

Muloŋa hikwekala chuma chabutaŋawu chikubula kumwekana hatookaku; hela chuma chakujinda chikubula kutiyakanaku, chikwidika hatooka.

Owu mumbanda, chanamoniyi nakaŋanyi dehi kubatama, hakwinza nakuzaala, hakudinata hamaseki kumesu indi, hakushimuna hatooka kumesu awantu ejima nsaŋu yamukunkililiyi, ninichi chanakoliyi dehi hohenohu. Yesu hakumwila nindi, Mwanami, kukuhwelela kweyi kunakukoleshi dehi; yaŋa nakuwunda.

Hiyakwinza nakumuhindwisha nawu, Mwanta, Mwanta, tunafwi! Hakuhinduka, hakuhoshola mpepela nimenji adiŋi nakubwankaŋila, amwena ninzo-o, kúwunda nibe-te-te-e.