Popular Bible Verses from Luka 7

Share

Dichi nukukuleja nami nshidi jindi jajivulu anamwanakeniju; dihu hanafumi kunkeŋa nankashi. Hakwila muntu anaanakenuwu yantesha, wukukeŋa nawa chantesha. Hakumwila owu mumbanda nindi, Nshidi jeyi anajanakeni.

Yena hakumwila owu mumbanda nindi, Kukuhwelela kweyi kunakwamwini dehi; yaŋa nakuwunda.

Hakwimana kunyima nakudila kumadatilu aYesu, hakuwelesha madatilu aYesu namadilu indi, hakuyikombola nansuki jindi, hakupwepujola kumadatilu indi, hakuyiwayisha wenowu manji.

Dichi chinabuli kwinza ami aweni kudeyi, nadimoni nami ami hinimuntu wakutela kwinza kudeyuku; dichi ahoshi mwani kwezu hohu, mukwenzi wami wukukola. Muloŋa ninami nawa nimuntu nikweti anyanta jami, hela ami aweni nikweti mashidika aŋovwahilaŋa. Nelaŋa iwu nami, Yaŋa; hakuya. Mukwawu nami, Inzaŋa; hakwinza. Nduŋu yami nami, Ilaku chumichi; hakuchila. Yesu chanatiyiyi yumiyi hakumuhayama, hakushetumuka, hakwila izaza dadiŋi nakumulondela nindi, Nayileji nami, kanda nimonaŋahu dehi kukuhwelela kwasweja chikumahichuku, chalala hela muIsarela mwamweni.

Yena mpinji oyu hakukolesha niantu amavulu adiŋi nanyisoŋu, niadiŋi nayipupu, niadiŋi nawaspiritu atama, hakutonesha niamputamesu amavulu. Yesu hakuyakula nindi, Yenu mwakamuleji Yowanu yuma yimunamoni niniyi yimunatiyi; amputamesu hiyakutona, akwakubalakata hiyakwenda chachiwahi, akwambumba hiyakutooka, ajika matu hiyakutiya, afu hiyakuyisaŋula, atuzweŋi hiyakuyishimwina nsaŋu yayiwahi.