Popular Bible Verses from Lukas 6

Share

Bin fà, bo nsi se' fà bin. Bo nsi so ju ntùm mbàm min féle, tshame, a dun mfètte. Bo nsi lo' à be zin mfi' fi' zin yi.

Mèn mebwô num nsô tshu mebwô ts'a tse'te ntù i là; mèn kebwô sô ju kebwô ntùm tshu tse tse kebwô. Nummbe ju z'a dun ntùm ntù mèn nà, ntshu i ke ntshob à be yi.

Mba bin nà, bin kô ghakeban tsine, ngù numebwô, mbèn mfo ke nywinte nekwé sàm ju, ndùlala ndù ntsho'fa' min se' mbe mi ndùb, bin bèn mbe bon Nsi mfe tù; nummbe a num nkô ghakelèn numebwô mba ghatshùag.

Bin be ghakondèn mba Tà zin be ngakondèn nà.

Kà bin tsho'te ntsha mèn, ndù kà bo ghù ntsho'te zine. Kà bin naṅ ntsha tu mèn, ndù kà bo ghù naṅ ntsha tu bin. Bin lagte, bo nsi ghù se' lagte bin.

Là me tshob bin tse bin tshwèt nju' àm nà ndù: Bin ke nkô ghakeban tsine, ngù mebwô ben tse bo num mbàn zin nà. Naṅ mbotni num ben tse bo num nso ndon tu bin nà; bin ke nde'te Nsi num tu ben tse bo num ngùtni zin nà.

Ju ze bin kô ndù benntùn ke ngù bin nà, mba bin bèn nke ngù zin be ndaṅndaṅ num bo.

A be ze mèn lab toṅ o là, o la'te mba mo' bag i yi. A be ze mèn fin nzwe o ze num tù là, kà gha yi ndù a lo' mba ze ntùm bwe. Fà ju mèn z'a lon wù là; mèn z'a lo' ju z'a b'a yu là, kà bèn mbètte.

Nummbe tù mebwô ke bwe s'a num njam ntàm kebwô là, tù kebwô ke bèn mbe bwe s'a num njam ntàm mebwô là.

Nummbe bo ke ndèn mba sit tù lo à tàm se; bo ke' be kàb tshom num tù njô, ke bèn nkàb mbù num tù nga'lone.