Popular Bible Verses from Mk 9

Share

Ane Yésus a nga jô nye na: Nge ô ne ngule ya bo a! ke mame mese me ne ngule ya boban e be môt a bili mbunan.

Eté été, ane ésaa mongô a nga yôtan a jô na: Ma buni, volô'ô ma e vôm: Me ngenan te buni.

Abulan a nga bulan e *nda jé, ane beyé'é bé be nga sili nye, baa be nye be to étam na: Amu jé, bi bia te kate titane mbia nsisime ate' Ane a nga yalane be na: Mvoñ minsisim éte é se ngul ya kôlô a *zen éziñ fe, fo'o ve a meye'elan.

Nku ô ne mbamba jôm. Ve da, nge nku ô mane same *zam, mia ye beta ve wô *zam a za jômô? Biane nku e be miabebien été, taba'ane fe *mvo'é wua a nyô mbok.

E môt a ye nyoñe ôyôme mongô wua avale di e jôé dam, mamiene le a nyoñ. E nde fe môt a nyoñe ma, sake ma a nyoñ, a nyoñe Nyô a nga lôme ma.

Ajô te, e môt ase a ye nyuu mia ékpwase mendim amu na mi ne bôt be Krist, ma kate mia bebela na, a se ngul ya jañele ma'ane mé.

E môt ase a ye dutu wua ya ayôme bongô da buni ma dina na a ku *abé été, jam da dañ mvaé mfa'a wé e ne na, be fañe nye ako'o nnen ba ko'o de bidi *tyiñ, a wua nye e mañ été.

A nge dise dôé éziñ e nde da dutu wo na ô kolé a ku *abé été, fôndé'é de. E ne wo mvaé na ô ke nyiin *ayoñe Zambe a dise da, alôte na be ke wua wo ébé nduane kom ô bili mise mebaé